തിരുവനന്തപുരം: കൈറ്റ് സിഇഒ അന്വര് സാദത്തിനും മാനേജര് ദീപ അനിരുദ്ധനും എതിരെ പ്രതിപക്ഷ നേതാവ് രമേശ് ചെന്നിത്തല നിയമസഭാ സ്പീക്കര്ക്ക് നോട്ടീസ് നല്കി. അവകാശ ലംഘനത്തിനാണ് ഇവര്ക്കെതിരെ നോട്ടീസ് നല്കിയത്.
നേരത്തെ കൈറ്റ് ഉള്പ്പെടെയുള്ള സ്ഥാപനങ്ങളില് ഡിജിറ്റല് ഉപകരണങ്ങള് വാങ്ങിയതിലെ ക്രമക്കേടുകളെ സംബന്ധിച്ച് പ്രതിപക്ഷ നേതാവ് പത്രസമ്മേളനം നടത്തിയിരുന്നു. തുടര്ന്ന് കൈറ്റ് പ്രതിപക്ഷ നേതാവിന് വക്കീല് നോട്ടിസും അയച്ചിരുന്നു.
എന്നാല് നോട്ടിസിന് പിന്നില് നിയമസഭ ഉള്പ്പടെയുള്ള വേദികളില് ഇത് സംബന്ധിച്ച് യാതൊരു ആക്ഷേപവും ഉന്നയിക്കരുതെന്നുള്ള ഗൂഢലക്ഷ്യം ഉള്ളതായി ചൂണ്ടിക്കാട്ടിയാണ് രമേശ് ചെന്നിത്തല അവകാശ ലംഘനത്തിന് നോട്ടിസ് നല്കിയത്. മാത്രവുമല്ല ഇത് നിയമസഭയില് നിര്ഭയമായി കാര്യങ്ങള് അവതരിപ്പിക്കാനുള്ള അംഗങ്ങളുടെ സ്വാതന്ത്ര്യത്തിന് കടിഞ്ഞാണിടാനുള്ള നീക്കമാണെന്നും ചെന്നിത്തല ചൂണ്ടിക്കാട്ടി.
Read Also: ‘രണ്ടില’ ജോസിന് തന്നെ
