തിരുവനന്തപുരം: മുതിർന്ന കോൺഗ്രസ് നേതാവ് തെന്നല ബാലകൃഷ്‌ണ പിള്ളയ്‌ക്ക് ആദരാഞ്‌ജലി അർപ്പിച്ച് നാട്. ഇന്ന് ഉച്ചയ്‌ക്ക് ഒന്നരയോടെ തൈക്കാട് ശാന്തികവാടത്തിൽ ഔദ്യോഗിക ബഹുമതികളോടെ സംസ്‌കാരം നടത്തി. കെപിസിസി ആസ്‌ഥാനത്ത് പൊതുദർശനത്തിന് വെച്ച ഭൗതികശരീരത്തിൽ മുഖ്യമന്ത്രി പിണറായി വിജയൻ പുഷ്‌പചക്രം അർപ്പിച്ചു.
നെട്ടയത്തെ വീട്ടിൽ നിന്ന് 11.30 ഓടെയാണ് ഭൗതികശരീരം കെപിസിസി ആസ്‌ഥാനത്തേക്ക് കൊണ്ടുവന്നത്. ഇന്നലെയും ഇന്ന് രാവിലെയുമായി നെട്ടയത്തെ വീട്ടിൽ കോൺഗ്രസ് നേതാക്കൾ ഉൾപ്പടെ നൂറുകണക്കിന് ആളുകൾ പ്രിയ നേതാവിനെ അവസാനമായി ഒരുനോക്ക് കാണാൻ എത്തിയത്. കിഴക്കോട്ടെ അയ്യപ്പസേവാ സംഘത്തിലും പൊതുദർശനം ഉണ്ടായിരുന്നു.
തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. വാർധക്യ സഹജമായ അസുഖങ്ങളെ തുടർന്ന് ചികിൽസയിൽ ആയിരുന്നു. രണ്ടുതവണ കെപിസിസി അധ്യക്ഷനായി പ്രവർത്തിച്ച തെന്നല ബാലകൃഷ്‌ണ പിള്ള, രണ്ടുതവണ അടൂർ നിയോജക മണ്ഡലത്തിൽ നിന്ന് എംഎൽഎയായി തിരഞ്ഞെടുക്കപ്പെട്ടു. മൂന്നുതവണ കേരളത്തിൽ നിന്നുള്ള രാജ്യസഭാംഗവും ആയിട്ടുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
