ന്യൂഡെല്‍ഹി: മുതിര്‍ന്ന അഭിഭാഷകന്‍ പ്രശാന്ത് ഭൂഷനെതിരെയുള്ള 2009 ലെ കോടതിയലക്ഷ്യ കേസ് പിന്നീട് പരിഗണിക്കുന്നതിനായി സുപ്രിംകോടതി മാറ്റി. അമിക്കസ് ക്യൂറിയായ മുതിര്‍ന്ന അഭിഭാഷകന്‍ ഹരീഷ് സാല്‍വെയുടെ സാന്നിധ്യം വേണമെന്ന് വ്യക്‌തമാക്കിയാണ് കോടതി കേസ് പരിഗണിക്കുന്നത് നവംബര്‍ നാലിലേക്ക് മാറ്റിയത്.
2009 ല്‍ ഒരു മാഗസിന് നല്‍കിയ അഭിമുഖത്തില്‍ അന്നത്തെ ചീഫ് ജസ്‌റ്റിസ് എസ്.എച്ച്. കപാഡിയെയും മുന്‍ ചീഫ് ജസ്‌റ്റിസുമാരെയും പ്രശാന്ത് ഭൂഷണ്‍, രൂക്ഷമായി വിമര്‍ശിച്ചുവെന്ന കേസാണ് കോടതി ഇന്ന് പരിഗണിച്ചത്.
കോടതിയുടെ പരിഗണനയിലിരിക്കുന്ന കേസുകളില്‍ അച്ചടി, ദൃശ്യ മാദ്ധ്യമങ്ങള്‍ ചര്‍ച്ച നടത്തുന്നത് ഉത്തരവുകളെ സ്വാധീനിക്കുമെന്നും മാദ്ധ്യമങ്ങളുടെ അത്തരം പ്രവൃത്തികള്‍ കോടതിയലക്ഷ്യമാണെന്നും അറ്റോര്‍ണി ജനറല്‍ പറഞ്ഞു.
Read Also: എന്‍ഫോഴ്‌സ്‌മെന്റ് കേസില്‍ സ്വപ്‌ന സുരേഷിന് ജാമ്യം
