ആലപ്പുഴ: തുറവൂരിൽ സഹോദരങ്ങൾ തമ്മിലുണ്ടായ വഴക്കിനെ തുടർന്ന് പാലത്തിൽ നിന്ന് ചാടി ആത്മഹത്യാ ശ്രമം. സംഭവത്തിൽ സഹോദരൻമാരിൽ ഒരാളെ കാണാതായി. അരൂർ വടക്കേരിൽ കേന്തം വെളിയിൽ സോണിയെ (36) ആണ് കാണാതായത്.
അരൂർ കുമ്പളം പാലത്തിൽ നിന്നും ഇന്നലെ രാത്രി 11നായിരുന്നു സംഭവം. വഴക്കിനെ തുടർന്ന് ചേട്ടൻ സോജിയും സോണിയും വീട്ടിൽ നിന്നിറങ്ങി അരൂർ കുമ്പളം പാലത്തിലെത്തി. ഇതിനിടെ അനുജൻ സോണി പാലത്തിൽ നിന്ന് കായലിലേക്ക് ചാടി. പിന്നാലെ രക്ഷപ്പെടുത്താനായി സോജിയും ചാടിയെങ്കിലും സോണി കായലിലെ ഒഴുക്കിൽപ്പെടുകയായിരുന്നു. പാലത്തിന്റെ തൂണിൽ പിടിച്ചിരുന്ന സോജിയെ മൽസ്യത്തൊഴിലാളികളാണ് രക്ഷപ്പെടുത്തിയത്. സോണിക്കായുള്ള തിരച്ചിൽ തുടരുകയാണ്.
Most Read| സാങ്കേതിക തടസം; സ്പേസ് എക്സ് സ്റ്റാർഷിപ്പ് ദൗത്യം എട്ടാം തവണയും റദ്ദാക്കി
