ജയ്പുർ: ജയ്പുരിലെ സവായ് മാൻ സിങ് ആശുപത്രിയിലെ ഐസിയുവിലുണ്ടായ തീപിടിത്തത്തിൽ എട്ട് രോഗികൾക്ക് ദാരുണാന്ത്യം. ഞായറാഴ്ച രാത്രിയായിരുന്നു സംഭവം. തീപിടിത്തം ഉണ്ടായപ്പോൾ 11 രോഗികൾ ഐസിയുവിൽ ഉണ്ടായിരുന്നതായി അധികൃതർ പറഞ്ഞു.
മരിച്ചവരിൽ നാല് പുരുഷൻമാരും രണ്ട് സ്ത്രീകളുമുണ്ട്. പിന്റു, ദിലീപ്, ശ്രീനാഥ്, രുക്മിണി, ഖുഷ്മ, സർവേഷ്, ബഹാദൂർ, ദിഗംബർ വർമ എന്നിവരാണ് മരിച്ചത്. മറ്റൊരു ഐസിയുവിൽ ഉണ്ടായിരുന്ന 14 പേർ സുരക്ഷിതരാണെന്ന് അധികൃതർ അറിയിച്ചു.
ആശുപത്രിക്കുള്ളിൽ പുക നിറഞ്ഞതോടെ രോഗികൾ പരിഭ്രാന്തരായി ഓടുകയായിരുന്നു. ഐസിയുവിൽ ഉപകരണങ്ങളും ആശുപത്രി രേഖകളും കത്തിനശിച്ചു. ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. മുഖ്യമന്ത്രി ഭജൻലാൽ ശർമയും മന്ത്രിമാരും ആശുപത്രി സന്ദർശിച്ചു.
Most Read| ടിക്കറ്റ് വില കൂട്ടരുത്, ദീപാവലിക്ക് കൂടുതൽ സർവീസുകൾ; ഇടപെട്ട് ഡിജിസിഎ
