ഇറാനിൽ ഇരട്ട സ്‌ഫോടനം; 103 പേർ കൊല്ലപ്പെട്ടു- 200 ഓളം പേർക്ക് പരിക്ക്
ഇറാനിലെ ഇസ്‌ലാമിക് റെവല്യൂഷനറി ഗാർഡ് കോർപ്‌സ് ജനറൽ ആയിരുന്ന ഖാസിം സുലൈമാനിയുടെ ശവകുടീരത്തിന് സമീപമാണ് സ്‌ഫോടനം നടന്നത്. ഖാസിം സുലൈമാനിയുടെ നാലാം ചരമവാർഷിക ദിനമായ ഇന്ന് അനുസ്‌മരണ ചടങ്ങിനിടെയാണ് സ്‌ഫോടനം.
ടെഹ്റാൻ: തെക്കൻ ഇറാനിൽ ഇരട്ട സ്‌ഫോടനത്തിൽ 103 പേർ കൊല്ലപ്പെട്ടതായി റിപ്പോർട്. 200 ഓളം പേർക്ക് പരിക്കേറ്റിട്ടുമുണ്ട്. ഇറാന്റെ തെക്കു-കിഴക്കൻ നഗരമായ കെർമാനിലാണ് സ്‌ഫോടനം ഉണ്ടായത്. മരണസംഖ്യ ഇനിയും ഉയരുമെന്നാണ് റിപ്പോർട്.
ഇറാനിലെ ഇസ്‌ലാമിക് റെവല്യൂഷനറി ഗാർഡ് കോർപ്‌സ് ജനറൽ ആയിരുന്ന ഖാസിം സുലൈമാനിയുടെ ശവകുടീരത്തിന് സമീപമാണ് സ്‌ഫോടനം നടന്നത്. ഖാസിം സുലൈമാനിയുടെ നാലാം ചരമവാർഷിക ദിനമായ ഇന്ന് അനുസ്‌മരണ ചടങ്ങിനിടെയാണ് സ്‌ഫോടനം നടന്നത്. ആദ്യ സ്‌ഫോടനം പ്രാദേശിക സമയം ഉച്ചതിരിഞ്ഞു മൂന്ന് മണിയോടെയും രണ്ടാമത്തേത് 15 മിനിറ്റുകൾക്ക് ശേഷവുമാണ് നടന്നത്.
ഖാസിം സുലൈമാനിയുടെ ചരമവാർഷിക ദിനത്തോട് അനുബന്ധിച്ചു ആയിരക്കണക്കിന് പേർ ഒത്തുകൂടിയ സമയത്താണ് സ്‌ഫോടനം നടന്നത്. 2020 ജനുവരി മൂന്നിന് ബാഗ്‌ദാദ്‌ വിമാനത്താവളത്തിൽ നടന്ന ഡ്രോൺ ആക്രമണത്തിലാണ് ഇറാന്റെ ഉന്നത കമാൻഡറായിരുന്ന ഖാസിം സുലൈമാനി കൊല്ലപ്പെട്ടത്. ഡ്രോൺ ആക്രമണത്തിന്റെ ഉത്തരവാദിത്തം പിന്നീട് യുഎസ് ഏറ്റെടുത്തിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
