കോഴിക്കോട്: കുറ്റ്യാടിയിൽ പുഴയിൽ ഒഴുക്കിൽപ്പെട്ട വിദ്യാർഥികൾ മരിച്ചു. അടുക്കത്ത് പുഴയിൽ കൈതേരി മുക്ക് മേമണ്ണിൽ താഴെ ഭാഗത്ത് കുളിക്കാൻ ഇറങ്ങിയ കൊളായി പൊയിൽ മജീദിന്റെ മകൻ സിനാൻ (15), കരിമ്പാലകണ്ടി യൂസഫിന്റെ മകൻ റിസ്‌വാൻ (15) എന്നിവരാണ് മരിച്ചത്. ഇരുവരും പത്താം ക്ളാസ് വിദ്യാർഥികളാണ്.
വെള്ളത്തിലിറങ്ങിയ ഒരാൾ അടിയൊഴുക്കിൽപ്പെട്ട് പോവുകയും രക്ഷപ്പെടുത്താനുള്ള ശ്രമത്തിൽ മറ്റേയാൾ മുങ്ങിപ്പോവുകയും ആയിരുന്നു. പേരാമ്പ്ര, ചേലക്കാട് എന്നിവിടങ്ങളിൽ നിന്നുള്ള ഫയർഫോഴ്‌സ് യൂണിറ്റും കുറ്റ്യാടി ദുരന്തനിവാരണ സേനയും സംയുക്‌തമായി നടത്തിയ തിരച്ചിലിലാണ് മൃതദേഹം കണ്ടെത്തിയത്.
ആദ്യം വിദ്യാർഥിയെ പ്രദേശവാസികൾ രക്ഷപ്പെടുത്തി കുറ്റ്യാടിയിലെ സ്വകാര്യ ആശുപത്രിയിൽ എത്തിച്ചു. തുടർന്ന് അടിയന്തിര ശുശ്രൂഷ നൽകിയ ശേഷം കോഴിക്കോട് ആശുപത്രിയിലേക്ക് കൊണ്ടുപോകവേയാണ് മരണം സംഭവിച്ചത്. ഒരു മണിക്കൂറിന് ശേഷമാണ് രണ്ടാമത്തെ കുട്ടിയുടെ മൃതദേഹം കണ്ടെത്തിയത്.
Most Read| ജലത്തിൽ തെളിയുന്ന മഴവിൽക്കാഴ്‌ച; ഈ ചതുപ്പുകാട് മനസിന് കുളിർമയേകും
