തിരുവനന്തപുരം: വട്ടിയൂർക്കാവ് ഗവ. എൽപി സ്‌കൂളിന് അനധികൃതമായി അവധി നൽകിയ സംഭവത്തിൽ കടുത്ത നടപടി സ്വീകരിച്ചു വിദ്യാഭ്യാസ വകുപ്പ്. പ്രധാനാധ്യാപകനായ ജിനിൽ ജോസിനെ അന്വേഷണ വിധേയമായി സസ്‌പെൻഡ് ചെയ്‌തതായി മന്ത്രി വി ശിവൻകുട്ടി അറിയിച്ചു.
തിരുവനന്തപുരം വട്ടിയൂർക്കാവ് ഗവ. എൽപി സ്‌കൂളിന് ഇന്ന് അവധി നൽകി അധ്യാപകർ സമരത്തിന് പോയത് വിവാദമായിരുന്നു. തുടർന്ന് നോർത്ത് എഇഒയുടെ നേതൃത്വത്തിൽ എത്തിയാണ് സ്‌കൂൾ തുറന്നത്. ഇന്ന് ക്ളാസ് ഉണ്ടാവില്ലെന്ന് വാട്‌സ് ആപ് ഗ്രൂപ്പ് വഴി കുട്ടികളുടെ രക്ഷിതാക്കളെ അധ്യാപകർ അറിയിക്കുകയായിരുന്നു.
അധ്യാപകരും ജീവനക്കാരും സമരത്തിൽ പങ്കെടുക്കുന്നതിനായി ഇന്ന് ക്ളാസ് ഉണ്ടായിരിക്കുന്നതല്ലെന്നായിരുന്നു വാട്‌സ് ആപ് സന്ദേശം. പ്രതിപക്ഷ സർവീസ് സംഘടനകളും സിപിഐ സംഘടനകളുമാണ് ഇന്ന് പണിമുടക്ക് നടത്തിയത്. പണിമുടക്കിനെ നേരിടാൻ സർക്കാർ ഡയസ്‌നോൺ പ്രഖ്യാപിച്ചിരുന്നു.
Most Read| ഇതൊരു ഒന്നൊന്നര ചൂര തന്നെ, ജപ്പാനിൽ വിറ്റത് റെക്കോർഡ് രൂപയ്‌ക്ക്
