ചികില്‍സ വൈകിപ്പിക്കും തോറും വേദന അസഹ്യമായി മാറുന്ന രോഗമാണ് മൂത്രാശയ അണുബാധ. മുതിര്‍ന്നവരില്‍ ഈ അണുബാധ വേഗത്തില്‍ തിരിച്ചറിയാന്‍ സാധിക്കും കുട്ടികളില്‍ പ്രകടമാകുന്ന ലക്ഷണങ്ങള്‍ നമുക്ക് പലപ്പോഴും തിരിച്ചറിയാന്‍ സാധിക്കാറില്ല. എന്നാല്‍, മൂത്രാശയവുമായി ബന്ധപ്പെട്ട ഭാഗങ്ങളിലുണ്ടാകുന്ന ഈ അണുബാധ കുട്ടികളില്‍ മിക്കപ്പോയും കണ്ടുവരുന്നതാണ്. മനസിലാക്കാന്‍ വൈകുന്നതോടെ ഇത് അസഹ്യമായ വേദനയിലേക്കും അസ്വസ്‌ഥതകളിലേക്കും കുട്ടികളെ നയിക്കാറുണ്ട്.
Entertainment News: ആക്ഷന്‍ ത്രില്ലറുമായി ശരത്ത് അപ്പാനി; ‘രന്ധാര നഗര’ മോഷന്‍ പോസ്‌റ്റര്‍ പുറത്ത്
കുട്ടികള്‍ക്ക് അവര്‍ നേരിടുന്ന ശാരീരിക വിഷമതകള്‍ കൃത്യമായി ചൂണ്ടിക്കാണിക്കാന്‍ കഴിയാതെ വരുമ്പോഴാണ് ഇങ്ങനെ സംഭവിക്കുന്നത്. ഇങ്ങനെയുള്ള സാഹചര്യങ്ങളില്‍ മുതിര്‍ന്നവര്‍ വേണം രോഗത്തെ മനസിലാക്കുവാന്‍. കുട്ടികളിലെ മൂത്രാശയ അണുബാധയുടെ പ്രധാനപ്പെട്ട അഞ്ച് ലക്ഷണങ്ങള്‍;-
1. ഇടവിട്ട് മൂത്രമൊഴിച്ചു കൊണ്ടിരിക്കുന്നത്.
2. മൂത്രമൊഴിക്കുന്ന സമയത്ത് വേദന അുഭവപ്പെടുന്നത്.
3. എപ്പോഴും മൂത്രമൊഴിക്കാന്‍ ഉള്ളതായി അനുഭവപ്പെടുന്നത്.
4. മൂത്രം കലങ്ങിയത് പോലെ കാണപ്പെടുന്നത്.
5. മൂത്രമൊഴിക്കുമ്പോള്‍ പൊള്ളുന്നത് പോലെയുള്ള അനുഭവമുണ്ടാകുന്നത്.
ഈ ലക്ഷണങ്ങളിലേതെങ്കിലും കണ്ടാല്‍തന്നെ, ഉടനെ കുട്ടിയെ ഒരു ഡോക്‌ടറെ കൊണ്ട് പരിശോധിപ്പിക്കേണ്ടതാണ്. ഇവയോടൊപ്പം തന്നെ ചില കുട്ടികളില്‍ പനി, ജലദോഷം, ഛര്‍ദ്ദി, വിശപ്പില്ലായ്‌മ, അടിവയറ്റില്‍ വേദന, മൂത്രത്തില്‍ രക്‌തത്തിന്റെ സാന്നിധ്യം, അസ്വസ്‌ഥത, മൂത്രത്തിന് കടുത്ത നിറമുണ്ടാകുക, അസഹ്യമായ ക്ഷീണം എന്നിവയും അനുഭവപ്പെട്ടേക്കാം.
