ന്യൂഡെല്‍ഹി: രാജ്യത്ത് കഴിഞ്ഞ 24 മണിക്കൂറിനിടെ റിപ്പോര്‍ട്ട് ചെയ്‌തത് 30,254 പുതിയ കോവിഡ് –19 കേസുകള്‍. ഇതോടെ ഇന്ത്യയിലെ ആകെ കോവിഡ് രോഗബാധിതരുടെ എണ്ണം 98,57,029 ആയി ഉയര്‍ന്നതായി കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചു. ഒരു ദിവസത്തിനിടെ 391 മരണങ്ങളും രാജ്യത്ത് റിപ്പോര്‍ട്ട് ചെയ്‌തിട്ടുണ്ട്.
അതേസമയം 33,136 രോഗമുക്‌തി നേടുകയും ചെയ്‌തു. നിലവില്‍ 3,56,546 സജീവ കേസുകളാണ് രാജ്യത്തുള്ളത്. 93,57,464 ഇതുവരെയായി രോഗമുക്‌തി നേടി.
മഹാരാഷ്‌ട്രയില്‍ 74,638 സജീവ കോവിഡ് കേസുകളും കേരളത്തില്‍ 60,177 സജീവ കേസുകളുമുണ്ട്. അതേസമയം ഡെല്‍ഹിയില്‍ 17,373 സജീവ കേസുകളാണുള്ളത്. രാജ്യതലസ്‌ഥാനത്ത് ഇതുവരെയായി 5,78,116 പേര്‍ രോഗമുക്‌തി നേടിയതായും 9,981 പേര്‍ മരണപ്പെട്ടതായും റിപ്പോര്‍ട്ടുകള്‍ സൂചിപ്പിക്കുന്നു.
ഡിസംബര്‍ 12 വരെ രാജ്യത്ത് 15,37,11,833 സാമ്പിളുകളാണ് പരിശോധിച്ചത്. ഇതില്‍ ഇന്നലെ മാത്രം 10,14,434 സാമ്പിളുകളുടെ പരിശോധന നടത്തിയതായി ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് (ഐസിഎംആര്‍) പറയുന്നു. ഇതുവരെയായി 1,43,019 പേരാണ് രാജ്യത്ത് കോവിഡ് മൂലം മരണപ്പെട്ടത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
