കോട്ടയം: എംജി സർവകലാശാലയിൽ ജാതി വിവേചനത്തിന് എതിരെ ഒരു ഗവേഷകക്ക് സമരം നടത്തേണ്ടി വരുന്നു എന്നത് നവോഥാന മൂല്യങ്ങൾ പറയുന്ന കേരളത്തിന് അപമാനമെന്ന് പ്രതിപക്ഷ നേതാവ് വിഡി സതീശൻ.
ജാതിയുടെ പേരില് നിഷേധിക്കപ്പെട്ട അവകാശങ്ങൾ നേടിയെടുക്കാനാണ് വിദ്യാർഥിനിയുടെ സമരം. ഇത് നവോഥാന മൂല്യങ്ങള് ഓർമപ്പെടുത്തുന്ന ഒരു ഭരണകൂടം നിലനില്ക്കെയാണ് എന്നത് അപമാനമാണെന്ന് വിഡി സതീശൻ ഫേസ്ബുക്കിൽ കുറിച്ചു.
ജാതിയുടെ പേരില് നിഷേധിക്കപ്പെട്ട നീതിയും അവകാശങ്ങളും നേടിയെടുക്കാന് എംജി സര്വകലാശാലക്ക് മുന്നില് ദീപ പി മോഹന് എന്ന ഗവേഷക വിദ്യാര്ഥിനിക്ക് നിരാഹാര സമരം ഇരിക്കേണ്ടി വരുന്നത്, ഇടക്കിടെ നവോഥാന മൂല്യങ്ങള് ഓർമപ്പെടുത്തുന്ന ഒരു ഭരണകൂടം നിലനില്ക്കെയാണ് എന്നത് കേരളത്തിന് അപമാനമാണ്.
ദീപക്ക് നീതി ലഭ്യമാക്കാനുള്ള ബാധ്യത സര്ക്കാരിനും സര്വകലാശാലക്കുമുണ്ട്. നാനോ സയന്സസില് ഗവേഷക വിദ്യാര്ഥിയായ ദീപക്ക് കോടതി ഉത്തരവുണ്ടായിട്ടും ജാതിയുടെ പേരില് ഗവേഷണത്തിന് സൗകര്യം ഒരുക്കുന്നില്ലെന്നാണ് പരാതി. ആരോപണ വിധേയനായ അധ്യാപകനെ ഹൈക്കോടതി വിളിച്ചു വരുത്തി ശാസിക്കുന്ന അവസ്ഥ പോലുമുണ്ടായി.
എന്നിട്ടും സര്വകലാശാല നടപടിയെടുത്തില്ല. ദീപക്ക് ഗവേഷണം പൂര്ത്തിയാക്കാനുള്ള സാഹചര്യം അടിയന്തരമായി ഒരുക്കണം. അവര് ഉന്നയിച്ചിരിക്കുന്ന പരാതികള് പരിശോധിച്ച് നീതിയുക്തമായ പരിഹാരമുണ്ടാക്കാന് സര്ക്കാര് തയ്യാറാകണം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
