ന്യൂഡെൽഹി: കേന്ദ്ര സർക്കാരുമായി ചർച്ച നടത്താൻ ഉപാധികൾ മുന്നോട്ട് വച്ച ആഭ്യന്തര മന്ത്രി അമിത് ഷാക്ക് മറുപടിയുമായി കർഷകർ. ഉപാധികൾ മുന്നോട്ട് വച്ചല്ല തുറന്ന മനസോടെ വേണം ചർച്ചക്ക് വിളിക്കാനെന്ന് ഭാരതീയ കിസാന് യൂണിയന് പഞ്ചാബ് പ്രസിഡണ്ട് ജഗജിത് സിംഗ് പറഞ്ഞു.
“ഉപാധികളോടെ ചര്ച്ചയാവാമെന്ന അമിത് ഷായുടെ നയം ശരിയല്ല. തുറന്ന മനസോടെയാണ് ചര്ച്ചക്ക് വിളിക്കേണ്ടത്. ഞായറാഴ്ച രാവിലെ ഞങ്ങള് ഒരു യോഗം വിളിച്ചിട്ടുണ്ട്. അതിനുശേഷം തീരുമാനം അറിയിക്കും,”- ജഗജിത് സിംഗ് പറഞ്ഞു.
കര്ഷകരുമായി എപ്പോള് വേണമെങ്കിലും കേന്ദ്രസര്ക്കാര് ചര്ച്ചക്ക് തയ്യാറാണെന്ന് വ്യക്തമാക്കി അമിത് ഷാ കഴിഞ്ഞ ദിവസം രംഗത്തെത്തിയിരുന്നു. ഡിസംബര് 3 ആം തീയതി ചര്ച്ചക്ക് തയ്യാറാണെന്നാണ് കേന്ദ്രസര്ക്കാര് നേരത്തെ വ്യക്തമാക്കിയത്. എന്നാല് അതിന് മുന്പ് വേണമെങ്കിലും ചര്ച്ചക്ക് തയ്യാറാണെന്ന് അമിത് ഷാ പറഞ്ഞിരുന്നു.
കൂടാതെ കര്ഷകര് ഉന്നയിക്കുന്ന ആശങ്കകളും, ആവശ്യങ്ങളും പരിഗണിക്കാന് തയ്യാറാണെന്നും അമിത് ഷാ വ്യക്തമാക്കി. എന്നാൽ ഇതിനെല്ലാം കർഷകർക്ക് മുന്നിൽ ഉപാധി വച്ചിട്ടുണ്ട്. ഡെല്ഹിയില് കര്ഷകര് നടത്തുന്ന പ്രതിഷേധ മാര്ച്ച് അനുവദിച്ചിരിക്കുന്ന സ്ഥലങ്ങളില് മാത്രമാക്കണമെന്നാണ് അമിത് ഷാ മുന്നോട്ട് വച്ച ഉപാധി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
