ന്യൂഡെൽഹി: കഴിഞ്ഞ 24 മണിക്കൂറിനിടെ ഇന്ത്യയിൽ 15,223 പേർക്കുകൂടി കോവിഡ് സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. ഇതോടെ രാജ്യത്ത് ഇതുവരെ റിപ്പോർട് ചെയ്ത കോവിഡ് കേസുകളുടെ എണ്ണം 10,610,883 ആയി.
ആരോഗ്യ മന്ത്രാലയത്തിന്റെ കണക്കനുസരിച്ച്, നിലവിൽ 1,92,308 സജീവ കോവിഡ് കേസുകളാണ് രാജ്യത്തുള്ളത്. ഇതുവരെ 10,265,706 പേരാണ് ഇന്ത്യയിൽ രോഗമുക്തി നേടിയത്. അതേസമയം ഇന്ന് 151 പേർ കോവിഡ് ബാധിച്ചു മരണപ്പെട്ടിട്ടുണ്ട്. 1,52,869 പേർക്കാണ് കോവിഡ് മൂലം ഇതുവരെ ജീവൻ നഷ്ടമായത്.
രാജ്യത്തെ രോഗമുക്തി നിരക്ക് 96.70 ശതമാനവും മരണനിരക്ക് 1.44 ശതമാനവുമാണ്.
രാജ്യത്തെ ആകെ കോവിഡ് ബാധിതരിൽ 1.86 ശതമാനം മാത്രമാണ് നിലവിൽ സജീവ കേസുകൾ ഉള്ളതെന്ന് ആരോഗ്യ മന്ത്രാലയം അറിയിച്ചു. സജീവ കേസുകളിൽ 72 ശതമാനവും കേരളം, മഹാരാഷ്ട്ര, ഉത്തർപ്രദേശ്, കർണാടക, പശ്ചിമ ബംഗാൾ എന്നീ സംസ്ഥാനങ്ങളിൽ ആണ്.
കേരളത്തിൽ നിലവിൽ 70,481 സജീവ കേസുകളാണുള്ളത്. അതേസമയം മഹാരാഷ്ട്രയിലെ സജീവ കോവിഡ് കേസുകളുടെ എണ്ണം 49,615 ആണ്. രാജ്യത്ത് ഇതുവരെ 8,06,484 പേർക്കാണ് വാക്സിൻ കുത്തിവെപ്പ് നടത്തിയത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
