ഭോപ്പാല്: ബലൂണ് വില്പ്പനക്കാരന്റെ സിലിണ്ടര് പൊട്ടിത്തെറിച്ച് മൂന്ന് കുട്ടികള് ഉള്പ്പടെ അഞ്ചു പേര്ക്ക് പരിക്കേറ്റു. മധ്യപ്രദേശിലെ ഉജ്ജയിനിലാണ് സംഭവം. ബലൂണിൽ കാറ്റ് നിറക്കാൻ ഉപയോഗിക്കുന്ന സിലിണ്ടറാണ് പൊട്ടിത്തെറിച്ചത്.
പുതുവൽസര ആഘോഷത്തിനിടെ ആള്ക്കൂട്ടത്തിന് സമീപത്തായി ബലൂണ് വീര്പ്പിക്കുന്നതിനിടെ ആണ് സിലിണ്ടര് പൊട്ടിത്തെറിച്ചത്. ബലൂണ് വാങ്ങാനെത്തിയ കുട്ടികള് കച്ചവടക്കാരന് ചുറ്റിലുമുണ്ടായിരുന്നു. പരിക്കേറ്റവരില് എട്ട് വയസുകാരന്റെ നില ഗുരുതരമാണ്.
വിദഗ്ധ ചികിൽസക്കായി കുട്ടിയെ ഇൻഡോറിലെ ആശുപത്രിയിൽ പ്രവേശിപ്പിച്ചു. ബാക്കിയുള്ളവർ പ്രാദേശിക ആശുപത്രിയിൽ ചികിൽസയിലാണ്.
വലിയ ശബ്ദത്തോടെയാണ് സിലിണ്ടർ പൊട്ടിത്തെറിച്ചതെന്ന് പോലീസ് പറഞ്ഞു. സ്ഫോടനം നടന്ന സ്ഥലത്തെ ചുവരുകള്ക്ക് കേടുപാടുകള് സംഭവിച്ചിട്ടുണ്ട്. സിലിണ്ടറില് ഹൈഡ്രജന് ഗ്യാസ് നിറച്ചതിലുള്ള അപാകതയാണ് പൊട്ടിത്തെറിക്ക് കാരണമായതെന്നാണ് നിഗമനം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
