പാലക്കാട്: ഓണം അവധിക്കാലത്തെ തിരക്ക് പരിഗണിച്ച് ബെംഗളൂരു- മംഗളൂരു റൂട്ടിൽ സ്‌പെഷ്യൽ ട്രെയിൻ അനുവദിച്ചു. 06003 നമ്പർ ട്രെയിൻ ഈമാസം 31ന് രാത്രി 11ന് മംഗളൂരു സെൻട്രലിൽ നിന്ന് പുറപ്പെടും. സെപ്‌തംബർ ഒന്നിന് ഉച്ചയ്‌ക്ക് 2.30ന് ബെംഗളൂരു എസ്എംവിടിയിൽ എത്തും.
തിരികെയുള്ള 06004 നമ്പർ ട്രെയിൻ സെപ്‌തംബർ ഒന്നിന് ഉച്ചകഴിഞ്ഞ് 3.50ന് ബെംഗളൂരുവിൽ നിന്ന് പുറപ്പെടും. രണ്ടിന് രാവിലെ 7.30ന് മംഗളൂരു സെൻട്രലിലെത്തും. കാസർഗോഡ്, കാഞ്ഞങ്ങാട്, പയ്യന്നൂർ, കണ്ണൂർ, തലശ്ശേരി, വടകര, കോഴിക്കോട്, തിരൂർ, ഷൊർണൂർ, പാലക്കാട് എന്നിവിടങ്ങളിൽ ആയിരിക്കും കേരളത്തിൽ സ്‌റ്റോപ്പ്. 30ന് രാവിലെ എട്ടുമണിക്ക് ബുക്കിങ് ആരംഭിക്കുമെന്ന് ദക്ഷിണ റെയിൽവേ അറിയിച്ചു.
Most Read| ഓൺലൈൻ ഗെയിമിങ് ആപ്പുകൾക്ക് നിരോധനം; ബില്ലിന് രാഷ്‍ട്രപതിയുടെ അംഗീകാരം
