കോഴിക്കോട്: അതിർത്തി തർക്കത്തെ തുടർന്ന് പള്ളി കമ്മിറ്റി സെക്രട്ടറിയുടെ നേതൃത്വത്തിൽ വീട് ആക്രമിച്ച സംഭവത്തിൽ നടപടിയുമായി കോഴിക്കോട് കോർപറേഷൻ. തർക്ക പ്രദേശത്ത് സർവേ നടത്താനാണ് തീരുമാനം. കെട്ടിട നിർമാണ ചട്ടലംഘനം ചൂണ്ടിക്കാട്ടി കോർപറേഷൻ നോട്ടീസ് നൽകി രണ്ടര മാസം പിന്നിട്ടിട്ടും പള്ളി കമ്മിറ്റി മറുപടി നൽകിയിട്ടില്ല.
പള്ളിയോട് ചേർന്ന ശുചിമുറി ഉൾപ്പെടുന്ന കെട്ടിടത്തിൽ എക്സ്ഹോസ്റ്റ് ഫാൻ സ്ഥാപിച്ചതിനെതിരെ യെഹിയ എന്നയാൾ 2021ലാണ് കോർപറേഷന് പരാതി നൽകിയത്. തുടർന്ന് ശുചിമുറി ഉൾപ്പെടുന്ന കെട്ടിടം പൊളിച്ചുനീക്കാൻ കോർപറേഷൻ പള്ളി കമ്മിറ്റിക്ക് പ്രാഥമിക നോട്ടീസ് നൽകി. ഏഴ് ദിവസത്തിനകം നോട്ടീസിൽ തൃപ്തികരമായ മറുപടി ലഭിച്ചില്ലെങ്കിൽ നടപടികളിലേക്ക് കടക്കാമെന്നാണ് ചട്ടം. എന്നാൽ, രണ്ടര മാസം കഴിയുമ്പോഴും കോർപറേഷന്റെ ഭാഗത്ത് നിന്ന് നടപടികളൊന്നും ഉണ്ടായില്ല.
തർക്കം രൂക്ഷമാകുന്നതിനിടെ യെഹിയയുടെ വീട് കയറി അക്രമം നടത്തിയതിന് പിന്നാലെ സംഭവം വിവാദമായതോടെയാണ് കോർപറേഷന്റെ തിരക്കിട്ട നടപടി. തർക്കഭൂമി അടിയന്തരമായി അളന്നുതിട്ടപ്പെടുത്താൻ കോർപറേഷൻ സെക്രട്ടറി ഉടൻ നിർദ്ദേശം നൽകും. കെട്ടിടം പൊളിച്ച് നീക്കേണ്ടി വന്നാൽ ഇരുവിഭാഗത്തെയും വിളിച്ചുവരുത്തി ഹിയറിങ് നടത്തുമെന്നും കോർപറേഷൻ അധികൃതർ അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
