വയനാട്: മാനന്തവാടി ജില്ലാ ആശുപത്രിയില് പോസ്റ്റ് കോവിഡ് ക്ലിനിക് ഇന്ന് മുതല് പ്രവര്ത്തനം ആരംഭിച്ചു. കോവിഡ് ബാധിച്ച് രോഗമുക്തി നേടിയ ആളുകളില് ഉണ്ടാവുന്ന ആരോഗ്യ പ്രശ്നങ്ങള് പരിഹരിക്കുന്നതിന് വേണ്ടിയാണ് പോസ്റ്റ് കോവിഡ് ക്ലിനിക്കുകള് പ്രവര്ത്തിക്കുന്നത്.
കോവിഡ് മുക്തരായ ആളുകള് അവര്ക്ക് ഉണ്ടാകുന്ന ആരോഗ്യ പ്രശ്നങ്ങള് പരിഹരിക്കുന്നതിന് ഈ ക്ലിനിക് പ്രയോജനപ്പെടുത്തണം എന്ന് ഉല്ഘാടനം നിര്വഹിച്ചു കൊണ്ട് ജില്ലാ മെഡിക്കല് ഓഫീസര് ഡോ. ആര്. രേണുക അഭ്യര്ഥിച്ചു. ജില്ലാ ആശുപത്രിയിലെ ശ്വാസകോശ രോഗ വിദഗ്ധന്റെ നേതൃത്വത്തില് ചെസ്റ്റ് ക്ലിനിക്കിലാണ് ഇത് ആരംഭിച്ചത്. എല്ലാ പ്രവര്ത്തി ദിനങ്ങളിലും രാവിലെ 10 മണി മുതല് ഉച്ചക്ക് 2 മണി വരെയാണ് ക്ലിനിക്ക് പ്രവര്ത്തിക്കുക.
Malabar News: വടകരയില് റെയില്വേ ഓവര് ബ്രിഡ്ജ് ജോലികൾ പുരോഗമിക്കുന്നു
കോവിഡ് വൈറസ് മുഖ്യമായും ശ്വാസകോശത്തെ ബാധിക്കുന്നതിനാലാണ് ആദ്യഘട്ട പരിശോധന ശ്വാസ കോശ രോഗ വിദഗ്ധന്റെ നേതൃത്വത്തില് ചെയ്യുന്നത്. ശരീരത്തിലെ മറ്റ് അവയവങ്ങള്ക്ക് ഉണ്ടാവുന്ന പ്രശ്നങ്ങള് പരിഹരിക്കുന്നതിന് അതിന്റെ വിദഗ്ധ ഡോക്ടർമാരുടെ അടുത്തേക്ക് ഈ ക്ലിനിക്കില് വെച്ച് റഫര് ചെയ്യും.
