തിരുവനന്തപുരം: ദേശീയ തലത്തില് നാഷണല് ക്വാളിറ്റി അഷ്വറന്സ് സ്റ്റാന്ഡേര്ഡ് (എന്ക്യുഎഎസ്) അംഗീകാരം ഏറ്റവും കൂടുതല് കരസ്ഥമാക്കിയ സംസ്ഥാനങ്ങളില് കേരളത്തിന് രണ്ട് ദേശീയ അവാര്ഡുകള് ലഭിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. ലോക രോഗീ സുരക്ഷാ ദിനത്തിന്റെ ഭാഗമായി നടന്ന ചടങ്ങില് കേന്ദ്ര ആരോഗ്യ കുടുംബ ക്ഷേമ വകുപ്പ് മന്ത്രി മന്സുഖ് മാണ്ഡവ്യയാണ് അവാർഡ് വിവരം അറിയിച്ചത്. കോവിഡ് പ്രതിസന്ധികാലത്തും കേരളം നടത്തുന്ന വികസന പ്രവര്ത്തനങ്ങള്ക്കുള്ള അംഗീകാരമാണ് ഈ അവാർഡുകളെന്ന് മന്ത്രി വീണാ ജോര്ജ് പറഞ്ഞു.
ദേശീയ തലത്തില് നാഷണല് എന്ക്യുഎഎസ് അംഗീകാരം ലഭിച്ച നഗര പ്രാഥമിക ആരോഗ്യ കേന്ദ്ര വിഭാഗത്തില് കേരളം ഒന്നാം സ്ഥാനം നേടി. പ്രാഥമിക ആരോഗ്യ കേന്ദ്ര വിഭാഗത്തില് റണ്ണര് അപ്പായും സംസ്ഥാനം തിരഞ്ഞെടുക്കപ്പെട്ടു. 93 നഗര പ്രാഥമിക ആരോഗ്യ കേന്ദ്രമുള്ളതില് ഇതുവരെ 33 നഗര പ്രാഥമിക ആരോഗ്യ കേന്ദ്രത്തിനും 849 പ്രാഥമിക ആരോഗ്യ കേന്ദ്രമുള്ളതില് ഇതുവരെ 78 പ്രാഥമിക ആരോഗ്യ കേന്ദ്രത്തിനുമാണ് എന്ക്യുഎഎസ് അംഗീകാരം ലഭിച്ചിരിക്കുന്നത്.
3 ജില്ലാ ആശുപത്രികള്, 4 താലൂക്ക് ആശുപത്രികള്, 7 സാമൂഹികാരോഗ്യ കേന്ദ്രങ്ങള്, 78 കുടുംബാരോഗ്യ കേന്ദ്രങ്ങള്, 33 നഗര പ്രാഥമിക ആരോഗ്യ കേന്ദ്രങ്ങള് ഉൾപ്പടെ കേരളത്തിലെ 125 സര്ക്കാര് ആശുപത്രികള്ക്കും എന്ക്യുഎഎസ് അംഗീകാരം ലഭിച്ചു. കൂടാതെ 6 സര്ക്കാര് ആശുപത്രികള് എന്ക്യുഎഎസ് അക്രഡിറ്റേഷന് വേണ്ടിയിട്ടുള്ള ദേശീയതല പരിശോധനയിൽ പങ്കെടുത്ത് ഫലം കാത്തിരിക്കുകയാണ്. ഇതിന് പുറമേ 6 ആശുപത്രികള് ദേശീയ തല പരിശോധനക്കായുള്ള അപേക്ഷ നല്കി പരിശോധന നടപടികള് കാത്തിരിക്കുകയാണെന്നും മന്ത്രി വ്യക്തമാക്കി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
