ദുബായ്: യുഎയിലെ വിവിധയിടങ്ങളിൽ നേരിയ ഭൂചലനം. ഇറാനിൽ ഉണ്ടായ ഭൂചലനത്തിന്റെ നേരിയ അനുരണനങ്ങളാണ് ഷാർജയിലും ദുബായിലും രേഖപ്പെടുത്തിയതെന്നാണ് വിലയിരുത്തൽ. വൈകിട്ട് നാല് മണിയോടെ ആയിരുന്നു ഭൂചലനം അനുഭവപ്പെട്ടത്.
തെക്കൻ ഇറാനിൽ വൈകിട്ട് 4.07ന് റിക്‌ടർ സ്‌കെയിലിൽ 6.0, 6.3 രേഖപ്പെടുത്തിയ രണ്ട് ഭൂചലനമുണ്ടായതായി യുഎസ്‌ ജിയോളജിക്കൽ സർവേ റിപ്പോർട് ചെയ്‌തിരുന്നു. ഇറാനിലെ ബാന്ദർ അബ്ബാസിൽ നിന്ന് 62 കിലോമീറ്റർ മാറിയാണ് ഇതിൽ ഒരു ഭൂചലനം രേഖപ്പെടുത്തിയത്. ഇതിന് പിന്നാലെയാണ് ഗൾഫ് മേഖലയിലും ഭൂചലനം റിപ്പോർട് ചെയ്‌തത്.
ദുബായ്, ഷാർജ, റാസൽഖൈമ തുടങ്ങിയ ഇടങ്ങളിൽ ചിലയിടത്ത് ബഹുനില കെട്ടിടങ്ങളിൽ നിന്ന് ആളുകളെ ഒഴിപ്പിച്ചു. ദുബായ് എക്‌സ്‌പോയിലെ ചില കെട്ടിടങ്ങളും ഇതിൽ ഉൾപ്പെടുന്നു. തെരുവിൽ ഇറങ്ങിയവരുടെ ചിത്രങ്ങളും വീഡിയോയും സമൂഹ മാദ്ധ്യമങ്ങളിൽ പ്രചരിക്കുന്നുണ്ട്.
Also Read: ഗ്യാസ് സിലിണ്ടർ പൊട്ടിത്തെറിച്ചു; ഡെൽഹിയിൽ 17 പേർക്ക് പരിക്ക്
