കോഴിക്കോട്: ജില്ലയിലെ താമരശേരി പെരുമ്പള്ളിയിൽ നിയന്ത്രണം വിട്ട കാർ സ്കൂട്ടറിൽ ഇടിച്ച് 4 പേർക്ക് പരിക്ക്. സ്കൂട്ടറില് ഉണ്ടായിരുന്ന താമരശേരി കുടുക്കിലുമാരം സ്വദേശികളായ ഉനൈസ്, ബന്ധു മുഹമ്മദ് നിഹാല്, കാറിലുണ്ടായിരുന്ന കോഴിക്കോട് സ്വദേശി മിലന്, കൊച്ചി സ്വദേശി ഹരീഷ് എന്നിവര്ക്കാണ് പരിക്കേറ്റത്.
ബെംഗളൂരുവിൽ നിന്നും വരികയായിരുന്ന കാർ നിയന്ത്രണം വിട്ട് എതിർ വശത്തേക്ക് കുതിച്ച് സ്കൂട്ടറിൽ ഇടിക്കുകയായിരുന്നു. താമരശേരി ഭാഗത്ത് നിന്നും വയനാട് ഭാഗത്തേക്ക് പോകുകയായിരുന്ന സ്കൂട്ടറിലാണ് കാർ ഇടിച്ചത്. തുടർന്ന് മരത്തിലിടിച്ചാണ് കാർ നിന്നത്. പരിക്കേറ്റ 4 പേരെയും നിലവിൽ കോഴിക്കോട് മെഡിക്കൽ കോളേജിൽ പ്രവേശിപ്പിച്ചിരിക്കുകയാണ്.
Read also: സുരേഷ് ഗോപിയുടെ വിഷുക്കൈനീട്ടം; തിരഞ്ഞെടുപ്പ് തന്ത്രമെന്ന് എ വിജയരാഘവൻ
