ന്യൂഡെൽഹി: രാജ്യ തലസ്‌ഥാനവും സമീപപ്രദേശങ്ങളും അത്യുഷ്‌ണത്തിലേക്ക്. സാധാരണ ഉണ്ടാവുന്നതിനേക്കാൾ ഏഴ് ഡിഗ്രി സെല്‍ഷ്യസ് അധികം താപനിലയാണ് കഴിഞ്ഞ ദിവസം രേഖപ്പെടുത്തിയത്. ഡെൽഹിയിൽ പരമാവധി 43.4 ഡിഗ്രി സെല്‍ഷ്യസ് താപനില രേഖപ്പെടുത്തിയപ്പോള്‍ ഗുഡ്‌ഗാവില്‍ 44.7 ഡിഗ്രി സെല്‍ഷ്യസായി താപനില ഉയര്‍ന്നു. ഡെൽഹിയിലും സമീപ പ്രദേശങ്ങളിലും അതിതീവ്ര താപനിലയാണ് രേഖപ്പെടുത്തിയതെന്ന് കാലാവസ്‌ഥാ വകുപ്പ് അറിയിച്ചു.
ഡെൽഹിയിൽ മണ്‍സൂണ്‍ എത്തുന്നത് വൈകുന്നതും പ്രതിസന്ധി സൃഷ്‌ടിക്കുന്നു. ജൂണില്‍ രാജ്യത്ത് 10 ശതമാനം അധികമഴ ലഭിച്ചപ്പോള്‍ ഡെൽഹിയിൽ മണ്‍സൂണ്‍ എത്തുന്നത് വൈകുകയാണ്. ജൂലൈ 7ന് ശേഷം ഇവിടെ മൺസൂൺ എത്തുമെന്നാണ് പ്രവചനം. അതേസമയം ചൂട് കൂടിയതോടെ വൈദ്യുതി ഉപയോഗത്തിലും വര്‍ധനവുണ്ടായി. ബുധനാഴ്‌ച മാത്രം 6821 മെഗാവാട്ടാണ് ഉപഭോഗം വര്‍ധിച്ചത്.
Read Also: പ്രണയിച്ച് വിവാഹം കഴിച്ച മകളെ വെട്ടിക്കൊന്നു; പിതാവ് അറസ്‌റ്റിൽ
