തിരുവനന്തപുരം: സംസ്ഥാനത്ത് തിങ്കളാഴ്ച വരെ ശക്തമായ മഴ തുടരാന് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇതേത്തുടർന്ന് കണ്ണൂര്, കാസര്ഗോഡ് ഒഴികെയുള്ള 12 ജില്ലകളിൽ തിങ്കളാഴ്ച വരെ യെല്ലോ അലർട് പ്രഖ്യാപിച്ചു.
തിങ്കളാഴ്ച 11 ജില്ലകളില് മഴ മുന്നറിയിപ്പുണ്ട്. മലയോര മേഖലകളില് വരും ദിവസങ്ങളില് മഴ കനത്തേക്കും. ഒപ്പം ഇടിമിന്നലിനും ശക്തമായ കാറ്റിനും സാധ്യതയുണ്ട്. അതേസമയം കേരള-കര്ണാടക തീരങ്ങളില് മൽസ്യബന്ധനത്തിന് തടസമില്ല.
തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, ഇടുക്കി ജില്ലകളില് ഓറഞ്ച് അലർട്ടിന് സമാനമായി മഴ പെയ്യാന് സാധ്യതയുള്ളതിനാല് അതിനനുസരിച്ച് മുന്കരുതലുകള് സ്വീകരിക്കണമെന്ന് സംസ്ഥാന ദുരന്ത നിവാരണ അതോറിറ്റി നിർദ്ദേശം നല്കിയിട്ടുണ്ട്.
Most Read: വിവാഹവാഗ്ദാനം നൽകി പീഡനം; മദ്രസാ അധ്യാപകന് 25 വർഷം കഠിന തടവ്
