മുംബൈ: മുംബൈയിൽ കനത്ത മഴയിലും പൊടിക്കാറ്റിലും വ്യാപക നാശനഷ്‌ടം. പൊടിക്കാറ്റിനെ തുടർന്ന് കൂറ്റൻ ബോർഡുകൾ തകർന്ന് വീണ് മൂന്നുപേർ മരിച്ചു. 59 പേർക്ക് പരിക്കേറ്റു. മുംബൈ ഘട്കോപ്പറിൽ തിങ്കളാഴ്‌ച വൈകിട്ടാണ് സംഭവം. പെട്രോൾ പമ്പിന് മുകളിലാണ് കൂറ്റൻ പരസ്യ ബോർഡുകൾ തകർന്ന് വീണത്. നിരവധി വാഹനങ്ങൾ കുടുങ്ങിക്കിടക്കുകയാണ്.
സ്‌ഥലത്ത്‌ അഗ്‌നിരക്ഷാസേന രക്ഷാപ്രവർത്തനം തുടരുകയാണ്. നൂറിലധികം പേർ കുടുങ്ങിക്കിടക്കുന്നതായാണ് വിവരം. ഇന്ധനം നിറയ്‌ക്കാൻ കാത്ത് നിന്ന വാഹനങ്ങൾക്ക് മുകളിലേക്ക് പരസ്യ ബോർഡുകൾ തകർന്ന് വീണതോടെയാണ് വാഹനങ്ങൾ അടിയിൽ കുടുങ്ങിയത്. വാഹനങ്ങളിൽ ഉള്ളവരെ പുറത്തെത്തിക്കാനുള്ള നീക്കം തുടരുകയാണ്.
അതേസമയം, മഴ ശക്‌തമായതോടെ മുംബൈ വിമാനത്താവളത്തിൽ നിരവധി വിമാന സർവീസുകൾ വൈകി. എന്നാൽ, യാത്രക്കാർ ആശങ്കപ്പെടേണ്ടതില്ലെന്നും, സർവീസുകൾ ഉടൻ പുനരാരംഭിക്കുമെന്നും വിമാനത്താവള അധികൃതർ അറിയിച്ചു. സംഭവത്തിൽ അന്വേഷണം നടത്തണമെന്ന് മഹാരാഷ്‌ട്ര ഉപമുഖ്യമന്ത്രി ദേവേന്ദ്ര ഫട്‌നാവിസ് പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
