ദുബായ്: വിദേശ രാജ്യങ്ങളിൽ വിനോദ സഞ്ചാരത്തിന് പോകുന്നവർക്ക് പ്രത്യേക മാർഗനിർദ്ദേശം പുറത്തിറക്കി യുഎഇ. അഞ്ച് നിർദ്ദേശങ്ങളാണ് പുറപ്പെടുവിച്ചിരിക്കുന്നത്. കഴിഞ്ഞ ദിവസങ്ങളിൽ തുർക്കിയിലും ഒമാനിലും വാഹനാപകടങ്ങളിൽ ഇമറാത്തി പൗരൻമാർ മരിക്കാനിടയായ സാഹചര്യത്തിലാണ് നിർദ്ദേശങ്ങൾ പുറപ്പെടുവിച്ചത്.
പ്രധാന നിർദ്ദേശങ്ങൾ
- ഏത് രാജ്യത്തേക്കാണോ പോകുന്നത് അവിടുത്തെ പ്രാദേശിക നിയമങ്ങൾ മനസിലാക്കണം. ഗതാഗത നിയമങ്ങളും നിയന്ത്രണങ്ങളും അറിയുകയും അനുസരിക്കുകയും വേണം.
- സന്ദർശിക്കുന്ന രാജ്യത്തെ കാലാവസ്‌ഥ, റോഡുകളുടെ അവസ്‌ഥ എന്നിവ യാത്രയ്‌ക്ക്‌ മുൻപേ അറിയണം.
- വിദേശത്തേക്ക് വാഹനം ഓടിച്ചാണ് പോകുന്നതെങ്കിൽ റോഡിൽ ഇരട്ടി ജാഗ്രത പാലിക്കണം. വഴികളും ഗതാഗത നിയന്ത്രണങ്ങളും പ്രദേശത്തിന്റെ ഭൂമി ശാസ്‌ത്രവും അറിയാത്തതിനാൽ നല്ല ശ്രദ്ധ വേണം.
- റോഡ് യാത്രയേക്കാൾ വിമാന യാത്ര ചെയ്യുന്നതാണ് അഭികാമ്യം. കൂടുതൽ സുരക്ഷിതവും സുഖകരവും സമ്മർദ്ദ രഹിതവുമായത് വിമാന യാത്രയാണ്.
- യാത്രയും റെന്റൽ കാറും ബുക്ക് ചെയ്യും മുൻപ് ടൂർ ഓപ്പറേറ്റർമാരെ കുറിച്ച് അറിഞ്ഞിരിക്കണം. നല്ല റേറ്റിങ്ങുള്ള കമ്പനികൾ വഴി ബുക്ക് ചെയ്യാൻ ശ്രമിക്കുക. അത്യാവശ്യ സന്ദർഭങ്ങളിൽ 0097180024 എന്ന നമ്പറിൽ ബന്ധപ്പെടാം.
Most Read| കൗതുകമായി അഞ്ച് തലയുള്ള പന; 30 വർഷമായി സംരക്ഷിച്ച് നാട്ടുകാർ
