ദുബായ്: പൊതുമര്യാദകള് ലംഘിക്കുന്ന തരത്തിലുള്ള വാക്കുകള്ക്കും പ്രവൃത്തികള്ക്കും കടുത്ത ശിക്ഷ ലഭിക്കുമെന്ന് യുഎഇ പബ്ളിക് പ്രോസിക്യൂഷന്. സോഷ്യല് മീഡിയാ പ്ളാറ്റ്ഫോമുകളിലൂടെ പുറത്തുവിട്ട അറിയിപ്പിലാണ് അധികൃതര് ഇക്കാര്യം വ്യക്തമാക്കിയിരിക്കുന്നത്.
പൊതുസ്ഥലങ്ങളിൽ മാന്യമല്ലാത്ത രീതിയിൽ പെരുമാറുന്നവര് അതിന്റെ നിയമപരമായ പ്രത്യാഘാതങ്ങള് കൂടി അനുഭവിക്കേണ്ടി വരുമെന്നും അറിയിപ്പില് പറയുന്നു.
യുഎഇയില് പൊതുമര്യാദകള് ലംഘിക്കുന്ന തരത്തിലുള്ള വിളികള്, പാട്ടുകള്, സംസാരം തുടങ്ങിയവയെല്ലാം നിയമപ്രകാരം കുറ്റകരമാണ്. ഇത്തരം കാര്യങ്ങള്ക്ക് പിടിക്കപ്പെട്ടാല് ഒരു മാസത്തില് കവിയാത്ത കാലയളവില് ജയില് ശിക്ഷയും ഒരു ലക്ഷം ദിര്ഹം വരെ (20 ലക്ഷം ഇന്ത്യന് രൂപ) പിഴയും ലഭിക്കും.
കൂടാതെ രാജ്യത്തെ ഫെഡറല് ശിക്ഷാ നിയമം 361 പ്രകാരം ഒരാളെ പൊതുസ്ഥലത്തുവെച്ച് അശ്ളീല പ്രവൃത്തികളില് ഏര്പ്പെടാന് പ്രേരിപ്പിക്കുന്ന വ്യക്തിക്കും നിയമ ലംഘനത്തിന്റെ അതേ ശിക്ഷ തന്നെ ലഭിക്കുമെന്നും അധികൃതര് വ്യക്തമാക്കി.
Most Read: സംസ്ഥാനത്ത് തിയേറ്ററുകൾ മറ്റന്നാൾ തുറക്കും; പ്രദർശനം ആഴ്ചയിൽ മൂന്ന് ദിവസം
