ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനിടെ 6,987 പേർക്ക് കോവിഡ് ബാധ സ്ഥിരീകരിച്ചതായി കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചു. 7,091 പേർ രോഗമുക്തി നേടിയപ്പോൾ 162 മരണങ്ങളും രാജ്യത്ത് റിപ്പോർട് ചെയ്തിട്ടുണ്ട്.
പുതിയ കോവിഡ് കേസുകളിൽ 2,407 എണ്ണം കേരളത്തിലാണ് റിപ്പോർട് ചെയ്യപ്പെട്ടത്. 44,754 സാമ്പിളുകളാണ് കഴിഞ്ഞ ദിവസം കേരളത്തിൽ പരിശോധനയ്ക്ക് വിധേയമാക്കിയത്. രോഗമുക്തി നേടിയവർ 3,377 പേരും കോവിഡ് മരണം സ്ഥിരീകരിച്ചത് 11 പേർക്കുമാണ്.
ഇതുവരെ 3,42,30,354 പേരാണ് രാജ്യത്ത് കോവിഡിൽ നിന്നും മുക്തി നേടിയത്. കോവിഡ് മൂലം ജീവൻ നഷ്ടമായത് 4,79,682 പേർക്കാണ്.
അതേസമയം രാജ്യത്ത് വാക്സിനേഷനും പുരോഗമിക്കുകയാണ്. ഇതുവരെ 141.37 കോടി വാക്സിൻ ഡോസുകളാണ് രാജ്യത്തുടനീളം വിതരണം ചെയ്തത്.
ഇതിനിടെ കോവിഡിന്റെ വകഭേദമായ ഒമൈക്രോണിന്റെ വ്യാപനവും രാജ്യത്ത് വെല്ലുവിളി ഉയർത്തുന്നുണ്ട്. ഇതുവരെ 422 ഒമൈക്രോൺ കേസുകളാണ് സ്ഥിരീകരിച്ചത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
