കണ്ണൂർ: അഴീക്കോട് മീൻകുന്ന് ബീച്ചിൽ കുളിക്കുന്നതിനിടെ തിരയിൽപ്പെട്ട് കാണാതായ രണ്ട് യുവാക്കളിൽ ഒരാളുടെ മൃതദേഹം കണ്ടെത്തി. പട്ടാനൂർ കൊടോളിപ്രം ആനന്ദ നിലയത്തിൽ പികെ ഗണേശൻ നമ്പ്യാരുടെ (28) മൃതദേഹമാണ് കണ്ടെത്തിയത്. അഴീക്കോട് നീർക്കടവ് തീരത്തിന് സമീപത്തുനിന്നാണ് മൃതദേഹം കണ്ടെത്തിയത്.
വാരം വെളിയന്നൂർ വെള്ളോറ ഹൗസിൽ പ്രിനീഷിനെ (27) ഇതുവരെ കണ്ടെത്താനായിട്ടില്ല. തിരച്ചിൽ തുടരുകയാണ്. തിങ്കളാഴ്‌ച വൈകീട്ട് നാലോടെയാണ് കള്ളക്കടപ്പുറം ഭാഗത്തുവെച്ച് യുവാക്കളെ കാണാതായത്. പാറക്കെട്ടിൽ നിന്ന് ഫോട്ടോ എടുത്ത ശേഷം കടലിൽ നീന്തുന്നതിനിടെ ഇരുവരും തിരയിൽപ്പെടുകയായിരുന്നു.
ബീച്ചിലെത്തിയ ദമ്പതികളാണ് യുവാക്കൾ ഒഴുക്കിൽപ്പെട്ടത് കണ്ടത്. ഇവർ സമീപവാസികളെ വിവരമറിയിച്ചു. അവരെത്തുമ്പോഴേക്കും രക്ഷപ്പെടുത്താൻ സാധിക്കാത്തവിധം യുവാക്കൾ തിരയിൽപ്പെട്ടിരുന്നു. അഴീക്കൽ തീരദേശ പോലീസിന്റെ മുങ്ങൽ വിദഗ്‌ധർ ഉൾപ്പടെ തിരച്ചിൽ നടത്തിയെങ്കിലും കണ്ടെത്താനായില്ല.
പാറക്കെട്ടിൽ യുവാക്കൾ അഴിച്ചുവെച്ച വസ്‌ത്രങ്ങളിൽ നിന്ന് ലഭിച്ച ആധാർ കാർഡിൽ നിന്നാണ് ഇവരെ തിരിച്ചറിഞ്ഞത്. മീൻകുന്ന് ബീച്ചിന് മുകളിൽ തീരത്തോട് ചേർന്നുള്ള പാറക്കെട്ട് വഴിയാണ് യുവാക്കൾ കള്ളക്കടപ്പുറം ഭാഗത്ത് എത്തിയത്. ഏറെ അപകടകരമായ തീരമാണിത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
