മേല്പറമ്പ്: മേല്പറമ്പ് ടൗണിൽ പോലീസിന് നേരേ പട്രോളിംഗിനിടയില് കയ്യേറ്റം. സിഐ അടക്കം 3 പേര്ക്ക് പരുക്കേറ്റു. സംഭവവുമായി ബന്ധപ്പെട്ട് ഒരാളെ കസ്റ്റഡിയിലെടുത്തു. ഇന്നലെ വൈകിട്ട് 6നാണ് സംഭവം.
മേല്പറമ്പ് സിഐ സിഎല് ബെന്നി ലാലുവിന്റെ നേതൃത്വത്തില് പൊലീസ് പട്രോളിംഗ് നടത്തുകയായിരുന്നു. റോഡരികില് ഒരു സംഘം മാസ്ക് ധരിക്കാതെ കൂട്ടം കൂടി നില്ക്കുന്നത് കണ്ട് പൊലീസ് ഇവരോട് പോകണമെന്നാവശ്യപ്പെട്ടു. ഇതില് ചിലര് അവിടെ നിന്ന് മാറി പോയെങ്കിലും ഏതാനും പേര് അവിടെ നിന്ന് പിരിഞ്ഞു പോയില്ല. ഇതിനിടയിലാണ് ഒരാള് നിര്ത്തിയിട്ട പൊലീസ് ജീപ്പിന്റെ താക്കോലെടുത്തത്.
Malabar News: കണ്ണൂര് വിമാനത്താവളത്തില് 35 ലക്ഷം വിലവരുന്ന സ്വര്ണം ഉപേക്ഷിച്ച നിലയില്
തുടര്ന്ന് പോലീസ് പിടികൂടാന് ശ്രമിക്കുന്നതിനിടയില് കയ്യേറ്റം നടന്നു.സിഐക്കും എസ്ഐ കെ ബൈജു, സിവില് പൊലീസ് ഓഫിസര് ഷിനു എന്നിവര്ക്കും പരുക്കേറ്റു. ഇവര് കാസര്കോട് ജനറല് ആശുപത്രിയില് ചികില്സ തേടി.
