കോഴിക്കോട്: ഒരു കിലോയിലധികം കഞ്ചാവ് കൈവശം വെച്ച കുറ്റത്തിന് യുവാവിനെ അറസ്റ്റ് ചെയ്തു. കോഴിക്കോട് കോട്ടൂളി പോറ്റമ്മൽത്തടം വീട്ടിൽ അതുൽ ബാബുവിനെതിരെയാണ് (25) എക്സൈസ് എൻഡിപിഎസ് കേസെടുത്തത്. കോഴിക്കോട് ടൗൺ പരിസരങ്ങളിൽ നടത്തിയ പരിശോധനയിലാണ് ഒരുകിലോ നൂറ് ഗ്രാം കഞ്ചാവുമായി യുവാവ് പിടിയിലായത്.
ക്രിസ്മസ്-പുതുവത്സര സ്പെഷ്യൽ ഡ്രൈവിന്റെ ഭാഗമായി ഡിജെ പാർട്ടികളിൽ മയക്കുമരുന്ന് ഉപയോഗിക്കാൻ സാധ്യതയുണ്ടെന്ന് ലഭിച്ച രഹസ്യവിവരത്തിന്റെ അടിസ്ഥാനത്തിൽ കോഴിക്കോട്എക്സൈസ് എൻഫോഴ്സ്മെന്റ് ആൻഡ് ആന്റി നർക്കോട്ടിക് സ്പെഷ്യൽ സ്ക്വാഡ് സർക്കിൾ ഇൻസ്പെക്ടർ വിആർ ദേവദാസിന്റെ നേതൃത്വത്തിൽ നടത്തിയ പരിശോധനയിലാണ് അറസ്റ്റ്.
Most Read: കുറുക്കൻ മൂലയിൽ വീണ്ടും കടുവയുടെ കാൽപ്പാടുകൾ
