ഇടുക്കി: കാമുകനൊപ്പം ജീവിക്കാൻ ഭർത്താവിനെ ലഹരിമരുന്ന് കേസിൽ കുടുക്കാൻ ശ്രമിച്ച ണ്ടന്മേട് ഗ്രാമപഞ്ചായത്ത് അംഗം സൗമ്യ സുനില് അറസ്റ്റിലായ സംഭവത്തിൽ കൂടുതൽ വിവരങ്ങൾ പുറത്ത്. മുൻപ് രണ്ടുതവണ ഭർത്താവിനെ കൊലപ്പെടുത്താൻ പദ്ധതിയിട്ടിരുന്നു എന്ന് സൗമ്യ പോലീസിനോട് പറഞ്ഞു.
ആദ്യം ഭര്ത്താവിനെ വാഹനം ഇടിച്ച് കൊലപ്പെടുത്താനായിരുന്നു പദ്ധതി. ഇതിന് വേണ്ടി എറണാകുളത്തെ ക്വട്ടേഷന് സംഘത്തെ നിയോഗിക്കുകയും ചെയ്തു. എന്നാല്, പോലീസ് പിടികൂടിയേക്കുമോയെന്ന ഭയത്തെ തുടര്ന്ന് പദ്ധതി ഉപേക്ഷിക്കുകയായിരുന്നു. പിന്നീട് ഭക്ഷണത്തില് വിഷം നല്കി കൊലപ്പെടുത്താനും പദ്ധതിയിട്ടു. ഇതും ഉപേക്ഷിച്ചാണ് മയക്കുമരുന്ന് കേസില് കുടുക്കാന് സംഘം തീരുമാനിച്ചതെന്ന് പോലീസ് പറയുന്നു.
ഫെബ്രുവരി 22നാണ് സൗമ്യയുടെ ഭര്ത്താവ് സുനില് വര്ഗീസിന്റെ വാഹനത്തില് നിന്ന് എംഡിഎംഎ പിടികൂടിയത്. കാമുകന് വിനോദിന്റെ നിർദ്ദേശപ്രകാരം അയാളുടെ സുഹൃത്ത് ഷാനവാസാണ് സുനിലിന്റെ വാഹനത്തില് ഒളിപ്പിക്കാനായി എംഡിഎംഎ സൗമ്യക്ക് എത്തിച്ചുകൊടുത്തത്.
വണ്ടന്മേട് പോലീസും ഇടുക്കി ജില്ലാ പോലീസ് മേധാവിയുടെ ടീം അംഗങ്ങളും ചേർന്നാണ് സുനില് വര്ഗീസിന്റെ വാഹനത്തില് നിന്നും എംഡിഎംഎ പിടികൂടിയത്. തുടര്ന്ന് പോലീസ് നടത്തിയ അന്വേഷണത്തില് വാഹനത്തിന്റെ ഉടമയായ സുനില് മയക്കുമരുന്ന് ഉപയോഗിക്കുന്നതായോ വില്പ്പന നടത്തുന്നതായോ കണ്ടെത്താന് കഴിയാത്തതുകൊണ്ട് വിശദമായ മൊഴി രേഖപ്പെടുത്തി അന്വേഷണം ആരംഭിച്ചു.
സുനിലിനെ ഒഴിവാക്കുന്നതിനായി ഭാര്യ സൗമ്യ കാമുകനായ വിദേശ മലയാളി വിനോദും ഇയാളുടെ സുഹൃത്ത് ഷാനവാസും ചേര്ന്ന് നടത്തിയ പദ്ധതിയാണ് പോലീസിന്റെ സമയോചിതമായ ഇടപെടല്മൂലം പൊളിഞ്ഞത്. മയക്കുമരുന്ന് എത്തിച്ചുകൊടുത്ത ശേഷം വിദേശത്തേക്ക് കടന്ന സൗമ്യയുടെ കാമുകനെ തിരികെ എത്തിച്ച് അറസ്റ്റ് ചെയ്യാനുള്ള ശ്രമത്തിലാണ് പോലീസ്. കേസില് സൗമ്യയും കൂടാതെ സഹായികളായ ഷാനവാസും ഷെഫിന് ഷായും അറസ്റ്റിലായി. ഷാനവാസും ഷെഫിന് ഷായും ചേര്ന്നാണ് 45,000 രൂപ വിലവാങ്ങി വിനോദിന് മയക്കുമരുന്ന് എത്തിച്ച് കൊടുത്തതെന്നും അന്വേഷണത്തിൽ വ്യക്തമായി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
