പാലക്കാട്: ഒറ്റപ്പാലം കൈലിയാട് എക്സൈസ് സംഘം കണ്ടെത്തിയ വ്യാജ ഹാന്സ് നിര്മാണ കേന്ദ്രത്തിന് പിന്നിൽ പ്രവർത്തിച്ചയാളെ കണ്ടെത്തി. കടമ്പഴിപ്പുറം സ്വദേശിയായ പ്രതീഷ് എന്നയാളാണ് പോലീസ് കസ്റ്റഡിയിൽ എടുത്തത്. ചോദ്യം ചെയ്യലിന് ശേഷം ഇയാളുടെ അറസ്റ്റ് രേഖപ്പെടുത്തും.
എക്സൈസ് പ്രിവന്റീവ് ഇന്റലിജന്സ് കൈയിലിയാട് ചെറുമുളയങ്കാവിന് സമീപത്ത് നടത്തിയ പരിശോധനയിലാണ് വാടക വീട്ടില് പ്രവര്ത്തിച്ചിരുന്ന വ്യാജ ഹാന്സ് നിര്മാണ കേന്ദ്രം കണ്ടെത്തിയത്. 13 കിന്റല് പുകയിലയും മൂന്ന് കിന്റല് വ്യാജ ഹാന്സുമാണ് എക്സൈസ് പിടികൂടിയത്.
യന്ത്ര സഹായത്തോടെയായിരുന്നു ഹാന്സ് നിര്മാണം. പിടികൂടിയ പുകയില ഉൽപന്നങ്ങള്ക്ക് വിപണിയില് ഏകദേശം അര കോടി രൂപ വില വരും. ഭക്ഷ്യ ഉൽപാദന കേന്ദ്രം എന്ന മറവിലായിരുന്നു വീടിനുള്ളില് പുകയില കേന്ദ്രം പ്രവര്ത്തിച്ചിരുന്നത്.
കെട്ടിടത്തില് ഉണ്ടായിരുന്ന ആസാം സ്വദേശികളായ ദമ്പതികളെ എക്സെെസ് നേരത്തെ കസ്റ്റഡിയില് എടുത്തിരുന്നു. നിരോധിത പുകയില വന്തോതില് കൈവശം വച്ചതിന് പ്രതീഷിന് എതിരെ നേരത്തെയും കേസെടുത്തിട്ടുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
