ന്യൂഡെൽഹി: സയ്യിദ് മുഷ്‌താഖ്‌ അലി ടി-20 ട്രോഫിയിൽ കേരളത്തിന് രണ്ടാം ജയം. അസമിനെ 8 വിക്കറ്റിനാണ് കേരളം കീഴടക്കിയത്. അസം മുന്നോട്ടുവച്ച 122 റൺസ് വിജയലക്ഷ്യം 18 ഓവറിൽ 2 വിക്കറ്റ് മാത്രം നഷ്‌ടപ്പെടുത്തി കേരളം മറികടന്നു. 56 റൺസെടുത്ത് പുറത്താവാതെ നിന്ന രോഹൻ കുന്നുമ്മലാണ് കേരളത്തിന്റെ വിജയ ശിൽപി.
മുഹമ്മദ് അസ്‌ഹറുദ്ദീൻ (24), സച്ചിൻ ബേബി (21 നോട്ടൗട്ട്) എന്നിവരും കേരള ഇന്നിംഗ്‌സിൽ നിർണായക സംഭാവനകൾ നൽകി. ക്യാപ്റ്റൻ സഞ്‌ജു സാംസൺ 14 റൺസെടുത്ത് പുറത്തായി.
ആദ്യം ബാറ്റ് ചെയ്‌ത അസം നിശ്‌ചിത 20 ഓവറിൽ 8 വിക്കറ്റ് നഷ്‌ടപ്പെടുത്തിയാണ് 121 റൺസ് നേടിയത്. പേസർ ബേസിൽ തമ്പിയുടെ തകർപ്പൻ ബൗളിംഗിന് മുന്നിൽ അസം തകർന്നടിഞ്ഞു.
4 ഓവറുകളിൽ വെറും 21 റൺസ് മാത്രം വിട്ടുനൽകിയ ബേസിൽ 3 വിക്കറ്റ് വീഴ്‌ത്തി. ജലജ് സക്‌സേന 4 ഓവറിൽ 12 റൺസ് വഴങ്ങി 2 വിക്കറ്റ് നേടി. ചെറിയ വിജയ ലക്ഷ്യവുമായി മറുപടി ബാറ്റിങ്ങിന് ഇറങ്ങിയ കേരളം കൂടുതൽ വിക്കറ്റ് കൈവിട്ടു കളയാതെ അനായാസം ജയം നേടി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
