ഹൽദ്വാനി: ദേശീയ ഗെയിംസ് നീന്തലിൽ കേരളത്തിന്റെ സജൻ പ്രകാശിന് മൂന്നാം സ്വർണം. 200 ബട്ടർഫ്ളൈ സ്‌ട്രോക്ക് വിഭാഗത്തിലാണ് സജൻ പ്രകാശ് സ്വർണം നേടിയത്. വനിതാ വിഭാഗത്തിൽ കേരളത്തിന്റെ ഹർഷിത ജയറാം രണ്ടാം സ്വർണവും നേടി. 50 മീറ്റർ ബ്രെസ്‌റ്റ് സ്‌ട്രോക്ക് ഇനത്തിലാണ് ഹർഷിതയുടെ മെഡൽ നേട്ടം.
ദേശീയ ഗെയിംസിൽ അഞ്ചു സ്വർണവുമായി ഏഴാം സ്‌ഥാനത്താണ് കേരളമുള്ളത്. ഒരു വെള്ളിയും മൂന്ന് വെങ്കലവുമുൾപ്പടെ ഒമ്പത് മെഡലുകൾ കേരളത്തിനുണ്ട്. ചൈനീസ് ആയോധന കലയായ വുഷുവിൽ മുഹമ്മദ് ജസീലും വെള്ളിയാഴ്‌ച സ്വർണം നേടിയിരുന്നു. താവോലു വിഭാഗത്തിലാണ് സ്വർണനേട്ടം.
വനിതാ ബാസ്‌കറ്റ് ബോള് സെമി ഫൈനലിൽ കർണാടകയെ 63-52ന് തോൽപ്പിച്ചു കേരളം ഫൈനൽ പോരാട്ടത്തിന് യോഗ്യത നേടി. വനിതാ വോളിബോളിലും കേരളം ഫൈനലിലെത്തി. ചണ്ഡീഗഡിനെ 25-18, 25-11, 25-12 എന്ന സ്‌കോറിനാണ് കേരളം തോൽപ്പിച്ചത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
