സ്‌കൂൾ സമയക്രമം; ഔദ്യോഗിക പ്രഖ്യാപനം നടത്തി യുഎഇ വിദ്യാഭ്യസ മന്ത്രാലയം

അബുദാബി: പൊതുവിദ്യാലയങ്ങളിലെ പഠനസമയം സംബന്ധിച്ച് ഔദ്യോഗിക പ്രഖ്യാപനം നടത്തി യുഎഇ വിദ്യാഭ്യസ മന്ത്രാലയം. നിലവിൽ പ്രചരിക്കുന്ന സമയമാറ്റങ്ങളെ കുറിച്ചുള്ള വാർത്തകൾ അടിസ്‌ഥാന രഹിതമാണെന്നും മന്ത്രാലയത്തിന്റെ ഔദ്യോഗിക സാമൂഹിക മാദ്ധ്യമ അക്കൗണ്ടുകൾ വഴിയുള്ള അറിയിപ്പുകൾ മാത്രം വിശ്വസിക്കണമെന്നും മന്ത്രാലയം വ്യക്‌തമാക്കി.

തിങ്കളാഴ്‌ചയാണ് വേനലവധിക്ക് ശേഷം സ്‌കൂളുകൾ വീണ്ടും തുറക്കുന്നത്. വരുന്ന അധ്യയന വർഷത്തേക്ക് സ്‌കൂളുകളുടെ പ്രവർത്തന സമയം സംബന്ധിച്ച് വിവരങ്ങൾ മന്ത്രാലയം പുറത്തുവിട്ടു.

കിന്റർഗാർട്ടൻ: തിങ്കൾ മുതൽ വ്യാഴം വരെ രാവിലെ എട്ടുമുതൽ ഉച്ചയ്‌ക്ക് 1 വരെ. വെള്ളിയാഴ്‌ച രാവിലെ എട്ടുമുതൽ 11.45 വരെ. ഒന്നാം ഘട്ടം (ഒന്ന് മുതൽ നാല് വരെ ക്ളാസുകൾ).

ഓപ്‌ഷൻ ഒന്ന്: തിങ്കൾ മുതൽ വ്യാഴം വരെ രാവിലെ എട്ടുമുതൽ ഉച്ചയ്‌ക്ക് 1.25വരെ. വെള്ളിയാഴ്‌ച രാവിലെ 7.15 മുതൽ 10.5 വരെ.
ഓപ്ഷൻ രണ്ട്: തിങ്കൾ മുതൽ വ്യാഴം വരെ രാവിലെ എട്ടുമുതൽ ഉച്ചയ്‌ക്ക് 2.20വരെ. വെള്ളിയാഴ്‌ച രാവിലെ എട്ടുമുതൽ 11.45വരെ. രണ്ടാം ഘട്ടവും മൂന്നാം ഘട്ടവും (അഞ്ചുമുതൽ പന്ത്രണ്ട് വരെ ക്ളാസുകൾ).

ആൺകുട്ടികൾ: തിങ്കൾ മുതൽ വ്യാഴം വരെ രാവിലെ 7.15 മുതൽ ഉച്ചയ്‌ക്ക് 2.15 വരെ. വെള്ളിയാഴ്‌ച രാവിലെ 7.15 മുതൽ 10.35 വരെ.
പെൺകുട്ടികൾ: തിങ്കൾ മുതൽ വ്യാഴം വരെ രാവിലെ എട്ടുമുതൽ ഉച്ചയ്‌ക്ക് 3.15 വരെ. വെള്ളിയാഴ്‌ച രാവിലെ എട്ടുമുതൽ 11.45 വരെ.

Most Read| കൗതുകമായി അഞ്ച് തലയുള്ള പന; 30 വർഷമായി സംരക്ഷിച്ച് നാട്ടുകാർ