മസ്‌കറ്റ്: ഒമാന്‍ എയറിനെ തേടി വീണ്ടും അന്താരാഷ്‌ട്ര പുരസ്‌ക്കാരം. ലോക ട്രാവല്‍ അവാര്‍ഡിന്റെ പശ്‌ചിമേഷ്യന്‍ മേഖലയിലെ വിവിധ പുരസ്‌കാരങ്ങളാണ് ഒമാന്‍ എയറിന് ലഭിച്ചത്. മേഖലയിലെ മികച്ച ബിസിനസ്, ഇക്കണോമി ക്‌ളാസുകള്‍ക്ക് നല്‍കുന്ന പുരസ്‌കാരത്തിനാണ് കമ്പനി അര്‍ഹത നേടിയത്.
2014 മുതല്‍ മികച്ച ഇക്കണോമി വിഭാഗത്തിനുള്ള പുരസ്‌കാരം തുടര്‍ച്ചയായി ഒമാന്‍ എയറിന് തന്നെയാണ് ലഭിക്കുന്നത്. അതിനൊപ്പം 2014 മുതല്‍ 16 വരെ മികച്ച ബിസിനസ് ക്ളാസിനുള്ള പുരസ്‌കാരവും ഇവര്‍ക്ക് തന്നെയാണ് ലഭിച്ചത്. ഇതിന് പുറമേ ‘വിങ്സ് ഓഫ് ഒമാന്‍‘ എന്ന പ്രസിദ്ധീകരണവും മികച്ച ഇന്‍ഫ്ളൈറ്റ് മാഗസിനായി തിരഞ്ഞെടുത്തു.
മൂന്ന് പുരസ്‌കാരങ്ങളും നേടാനായതില്‍ സന്തോഷമുണ്ടെന്ന് ഒമാന്‍ എയര്‍ സിഇഒ അബ്‌ദുൾ അസീസ് ബിന്‍ സൗദ് അല്‍ റൈസി പറഞ്ഞു. ലോകത്തിന്റെ വിവിധ ഭാഗങ്ങളിലെ ട്രാവല്‍ ആന്‍ഡ് ടൂറിസം മേഖലയില്‍ പ്രവര്‍ത്തിക്കുന്ന പ്രഫഷണലുകള്‍, സഞ്ചാരികള്‍ എന്നിവര്‍ വോട്ടിങ്ങിലൂടെയാണ് അവാര്‍ഡ് ജേതാക്കളെ തിരഞ്ഞെടുക്കുന്നത്.
1993-ലാണ് ഒമാൻ ദേശീയ എയർലൈൻസ് ആയ ഒമാൻ എയർ സ്‌ഥാപിതമായത്. മസ്‌കറ്റ് ഇന്റർനാഷണൽ എയർപോർട്ട് കേന്ദ്രീകരിച്ചാണ് ഇവരുടെ പ്രവർത്തനം. ആഭ്യന്തര, അന്താരാഷ്‌ട്ര സർവീസുകൾക്ക് പുറമേ എയർ ടാക്‌സി സംവിധാനം, ചാർട്ടർ ഫ്‌ളൈറ്റ് സേവനം എന്നിവയും ഇവർ നൽകുന്നുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
