ഇന്ത്യയുടെ ഡ്രഗ് റെഗുലേറ്ററിന്റെ ഗുണനിലവാര പരിശോധനയിൽ പരാജയപ്പെട്ടതിൽ കാൽസ്യം, വിറ്റാമിൻ ഡി3, പ്രമേഹ ഗുളികകൾ, ഉയർന്ന രക്‌ത സമ്മർദ്ദത്തിനുള്ള മരുന്നുകൾ ഉൾപ്പെടുന്നു.
ന്യൂഡെൽഹി: ആരോഗ്യ മേഖലയിൽ കൂടുതൽ ആശങ്കകൾ സൃഷ്‌ടിക്കുന്ന വാർത്തകളാണ് പുറത്തുവരുന്നത്. ഈ കഴിഞ്ഞ മെയ്‌മാസത്തിൽ സംസ്‌ഥാന ഡ്രഗ്‌സ് കൺട്രോൾ വകുപ്പിലെ മരുന്ന് പരിശോധനാ ലബോറട്ടറികളിൽ നടത്തിയ ഗുണനിലവാര പരിശോധനയിൽ ഗുണനിലവാരമില്ലാത്തതായി കണ്ടെത്തിയ നിരവധി മരുന്നു ബാച്ചുകളുടെ വിതരണവും വിൽപ്പനയും സംസ്‌ഥാനത്ത് നിരോധിച്ചിരുന്നു.
ഇപ്പോൾ പുതിയ വാർത്തയിലും 50ലധികം മരുന്നുകളെ നിലവാരമില്ലാത്ത മരുന്നുകളായി (Not For Standard Quality) പ്രഖ്യാപിച്ചു. പുതിയ പ്രതിമാസ ഡ്രഗ് അലേർട്ട് ലിസ്‌റ്റിലാണ് സെൻട്രൽ ഡ്രഗ്‌സ് സ്‌റ്റാൻഡേർഡ് കൺട്രോൾ ഓർഗനൈസേഷൻ (സിഡിഎസ്‌സിഒ) നിലവാരമില്ലാത്ത മരുന്നുകളുടെ ലിസ്‌റ്റ് പുറത്തു വിട്ടത്.
ഡ്രഗ് റെഗുലേറ്ററിന്റെ ഗുണനിലവാര പരിശോധനയിൽ പരാജയപ്പെട്ടവയിൽ വൈറ്റമിൻ സി, ഡി3 ഗുളികകൾ ഷെൽകാൽ, വിറ്റാമിൻ ബി കോംപ്ളക്‌സ്, വിറ്റാമിൻ സി സോഫ്‌റ്റ്ജെൽസ്, ആന്റി ആസിഡ് പാൻ-ഡി, പാരസെറ്റമോൾ ഗുളികകൾ ഐപി 500 മില്ലിഗ്രാം, പ്രമേഹ വിരുദ്ധ മരുന്നായ ഗ്ളിമെപിറൈഡ്, ഉയർന്ന രക്‌തസമ്മർദ്ദ മരുന്നായ ടെൽമിസാർട്ടൻ എന്നിവയും ഉൾപ്പെടുന്നു.
ഹെറ്ററോ ഡ്രഗ്‌സ്, അൽകെം ലബോറട്ടറീസ്, ഹിന്ദുസ്‌ഥാൻ ആന്റിബയോട്ടിക്‌സ് ലിമിറ്റഡ് (എച്ച്എഎൽ), കർണാടക ആന്റിബയോട്ടിക്‌സ് ആൻഡ് ഫാർമസ്യൂട്ടിക്കൽസ് ലിമിറ്റഡ് എന്നിവർ നിർമിക്കുന്നതാണ് ഈ മരുന്നുകൾ.
ആമാശയത്തിലെ അണുബാധകൾ ചികിത്സിക്കാൻ വ്യാപകമായി ഉപയോഗിക്കുന്ന മരുന്നായ , PSU ഹിന്ദുസ്‌ഥാൻ ആന്റിബയോട്ടിക് ലിമിറ്റഡ് (HAL) നിർമിക്കുന്ന മെട്രോണിഡാസോൾ ഗുണനിലവാര പരിശോധനയിൽ പരാജയപ്പെട്ടവയിൽ ഉൾപ്പെടുന്നു. ടോറന്റ് ഫാർമസ്യൂട്ടിക്കൽസ് വിതരണം ചെയ്യുന്നതും ഉത്തരാഖണ്ഡ് ആസ്‌ഥാനമായുള്ള പ്യുവർ & ക്യൂർ ഹെൽത്ത്‌കെയർ നിർമിച്ചതുമായ ഷെൽകലും പരിശോധനയിൽ വിജയിച്ചില്ല.
കൊൽക്കത്തയിലെ ഒരു ഡ്രഗ് ടെസ്‌റ്റിങ്‌ ലാബ് അൽകെം ഹെൽത്ത് സയൻസിന്റെ ആന്റിബയോട്ടിക്കുകളായ ക്ളാവം 625, പാൻ ഡി എന്നിവ വ്യാജമാണെന്ന് കണ്ടെത്തി. ഗുരുതരമായ ബാക്‌ടീരിയ അണുബാധയുള്ള കുട്ടികൾക്കായി നിർദ്ദേശിക്കപ്പെട്ട ഹൈദരാബാദ് ആസ്‌ഥാനമായുള്ള ഹെറ്ററോയുടെ സെപോഡെം എക്‌സ്‌പി 50 ഡ്രൈ സസ്‌പെൻഷൻ നിലവാരമില്ലാത്തതാണെന്ന് ലാബ് തിരിച്ചറിഞ്ഞു. കർണാടക ആൻറിബയോട്ടിക്‌സ് ആൻഡ് ഫാർമസ്യൂട്ടിക്കൽസ് ലിമിറ്റഡിന്റെ പാരസെറ്റമോൾ ഗുളികകളും ഗുണനിലവാര ആശങ്കകൾക്കായി ഫ്‌ളാഗ്‌ ചെയ്‌തിട്ടുള്ളതായും വാർത്തകൾ പറയുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
