വൈദ്യുതി നിലച്ചു: കെഎസ്ഇബിക്കെതിരെ പൊതുജന പ്രതിഷേധം; പ്രതിഷേധവുമായി ജീവനക്കാരും
കടുത്ത ചൂടിൽ രാത്രി കാലങ്ങളിൽ വൈദ്യുതി നഷ്ടപ്പെട്ടാൽ ഓഫീസിലേക്ക് വിളിക്കുമ്പോൾ ആരും ഫോൺ എടുക്കാറില്ലെന്നും എടുത്താൽ തന്നെ വ്യക്തമായ ഉത്തരം തരാറില്ലെന്നും ജീവനക്കാർ ജോലിയിൽ ഉണ്ടാകാറില്ലെന്നും നാട്ടുകാർ ആരോപിക്കുന്നുണ്ട്.
കോഴിക്കോട്: പന്തീരാങ്കാവ് കെഎസ്ഇബി ഓഫിസിൽ പൊതുജനം പ്രതിഷേധിച്ചെത്തി അതിക്രമം നടത്തിയെന്ന പരാതിയിൽ അന്വേഷണം ആരംഭിച്ച് പൊലീസ്. കഴിഞ്ഞ രാത്രി വൈദ്യുതി നിലച്ചതിനെ തുടർന്നാണ് നാട്ടുകാർ കെഎസ്ഇബി ഓഫിസിൽ പ്രതിഷേധവുമായി എത്തിയത്. തുടർന്ന് അക്രമം നടത്തുകയായിരുന്നുെവന്ന് കെഎസ്ഇബി ജീവനക്കാർ നൽകിയ പരാതിയിൽ പറയുന്നു.
അതിക്രമിച്ചു കയറിയതിനും നാശനഷ്ടം വരുത്തിയതിലും പ്രതിഷേധിച്ച് ജീവനക്കാർ സംയുക്തമായി പ്രതിഷേധ പ്രകടനവും ധർണ്ണയും നടത്തി. അക്രമികളെ അറസ്റ്റു ചെയ്തു ജീവനക്കാർക്ക് സ്വൈര്യമായി ജോലി ചെയ്യുവാനുള്ള സാഹചര്യം ഉണ്ടാക്കണമെന്ന് വിവിധ സംഘടനാ നേതാക്കൾ ആവശ്യപ്പെട്ടു. അതേസമയം, പരാതി ലഭിച്ചെന്നും പ്രാഥമിക അന്വേഷണം നടത്തിയ ശേഷമേ കേസ് രജിസ്റ്റർ ചെയ്യുകയുള്ളുവെന്നും പൊലീസ് അറിയിച്ചു.
വൈദ്യുതി നിലച്ചപ്പോൾ കെഎസ്ഇബിയിലേക്ക് വിളിച്ചപ്പോൾ ആരും ഫോൺ എടുത്തില്ലെന്നും, ചില സമയങ്ങളിൽ ഫോൺ എൻഗേജ് ആക്കി വയ്ക്കുകയും ചെയ്തെന്നും അന്വേഷിക്കാനെത്തിയ നാട്ടുകാരോട് അപമര്യാദയായി ജീവനക്കാർ പെരുമാറിയെന്നും നാട്ടുകാർ ആരോപിക്കുന്നു. കടുത്ത ചൂടിൽ രാത്രി കാലങ്ങളിൽ വൈദ്യുതി നഷ്ടപ്പെട്ടാൽ ഓഫീസിലേക്ക് വിളിക്കുമ്പോൾ ആരും ഫോൺ എടുക്കാറില്ലെന്നും എടുത്താൽ തന്നെ വ്യക്തമായ ഉത്തരം തരാറില്ലെന്നും ജീവനക്കാർ ജോലിയിൽ ഉണ്ടാകാറില്ലെന്നും നാട്ടുകാർ ആരോപിക്കുന്നുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
