തൃശൂർ: തൃശൂരിൽ ഇത്തവണയും പുലികളിറങ്ങും. ഓണത്തിന് പുലിക്കളി നടത്തേണ്ടെന്ന തീരുമാനം തൃശൂർ കോർപറേഷൻ പിൻവലിച്ചു. നാലാം ഓണത്തിന് പുലിക്കളി നടത്താനാണ് പുതിയ തീരുമാനം. ആറ് സംഘങ്ങളാണ് ഇത്തവണ പുലിക്കളിക്ക് ഇറങ്ങുക.
വയനാട് ദുരന്തത്തിന്റെ പശ്‌ചാത്തലത്തിൽ ഇത്തവണ പുലിക്കളി നടത്തേണ്ടെന്ന് കോർപറേഷൻ തീരുമാനിച്ചിരുന്നു. എന്നാൽ, തൃശൂരിന്റെ പൊതുവികാരം മാനിച്ച് കോർപറേഷൻ നിലപാട് തിരുത്തുകയായിരുന്നു. കൂടാതെ, പുലിക്കളി നടത്താനായി ഏറെ പണം ചിലവിട്ട് സംഘങ്ങൾ പണിയും തുടങ്ങിയിരുന്നു.
ഇതുകൂടി പരിഗണിച്ചാണ് കോർപറേഷനിൽ ചേർന്ന സർവകക്ഷി യോഗത്തിൽ പുലിക്കളി നടത്താൻ തീരുമാനിച്ചത്. കോർപറേഷൻ കൗൺസിൽ യോഗവും ഇത് അംഗീകരിച്ചു. പുലിക്കളി സംഘങ്ങൾക്ക് ധനസഹായം നൽകാനും തീരുമാനമായി.
Most Read| 116ആം വയസിൽ ലോക മുത്തശ്ശി റെക്കോർഡ്; കൊടുമുടി കീഴടക്കിയത് രണ്ടുതവണ
