മുംബൈ: സുശാന്ത് സിംഗ് രജ്പുതിന്റെ മരണവുമായി ബന്ധപ്പെട്ട കേസില് റിയ ചക്രബര്ത്തിക്ക് ജാമ്യം. ബോംബെ ഹൈക്കോടതിയാണ് ജാമ്യം അനുവദിച്ചത്. സഹോദരന് ഷോയിക്ക് ചക്രബര്ത്തിയുടെ ജാമ്യാപേക്ഷ കോടതി നിരസിച്ചു. കഴിഞ്ഞ ദിവസം പ്രത്യേക കോടതി ഇരുവരുടെയും ജുഡീഷ്യല് കസ്റ്റഡി ഒക്ടോബർ 20 വരെ നീട്ടിയിരുന്നു. സുശാന്ത് സിംഗ് രജ്പുതിന്റെ മരണത്തിൽ മുംബൈയിലെ മയക്ക് മരുന്ന് ലോബിയുമായുള്ള ബന്ധം ആരോപിച്ച് സെപ്റ്റംബര് 8നാണ് കാമുകിയായ റിയ ചക്രബര്ത്തിയെ എന് സി ബി അറസ്ററ് ചെയ്തത് . നേരത്തെ റിയ സമര്പ്പിച്ച ജാമ്യാപേക്ഷ മജിസ്ട്രേറ്റ് കോടതിയും പ്രത്യേക എന്ഡിപിഎസ് കോടതിയും തള്ളിയിരുന്നു
റിയയെ മൂന്ന് ദിവസത്തെ ചോദ്യം ചെയ്യലിന് ശേഷമായിരുന്നു എന്സിബി അറസ്ററ് ചെയ്തത് . സഹോദരന് ഷോയിക്ക് ചക്രബര്ത്തി, സാമുവല് മിറാന്ഡ, സുശാന്തിന്റെ പാചകക്കാരന് ദിപേഷ് സാവന്ത് എന്നിവര്ക്കൊപ്പമാണ് റിയയെ ചോദ്യം ചെയ്തത്. സുശാന്ത് പതിവായി കഞ്ചാവ് കഴിക്കാറുണ്ടായിരുന്നു എന്നും ഇതില് നിന്നും പിന്തിരിപ്പിക്കാന് താന് ശ്രമിച്ചിരുന്നതായും റിയ വ്യക്തമാക്കിയിരുന്നു. മയക്കു മരുന്ന് ശീലം നിലനിര്ത്താന് സുശാന്ത് തങ്ങളെ ഉപയോഗിക്കുകയാണ് ചെയ്തതെന്ന് റിയ ജാമ്യാപേക്ഷയില് പറഞ്ഞു.
Read also: ഹത്രസിൽ മലയാളി മാദ്ധ്യമ പ്രവർത്തകന്റെ അറസ്റ്റ്; മോചനം ആവശ്യപ്പെട്ട് സുപ്രീം കോടതിയിൽ ഹരജി
