അധ്യാപകന്റെ ലൈംഗികാതിക്രമം, പരാതി അവഗണിച്ചു; വിദ്യാർഥിനി തീകൊളുത്തി മരിച്ചു
ബാലസോറിലെ ഫക്കിർ മോഹൻ ഓട്ടോണമസ് കോളേജിലെ ഇന്റഗ്രേറ്റഡ് ബിഎഡ് രണ്ടാംവർഷ വിദ്യാർഥിനിയായ പെൺകുട്ടി ജൂൺ 30ന് അസി. പ്രഫസറും വകുപ്പ് അധ്യക്ഷനുമായ സമീര കുമാർ സാഹുവിനെതിരെ ലൈംഗിക പീഡനത്തിന് നടപടി ആവശ്യപ്പെട്ട് പരാതി നൽകുകയും ഒരാഴ്‌ച മുൻപ് കോളേജ് ക്യാമ്പസിൽ പ്രതിഷേധം സംഘടിപ്പിക്കുകയും ചെയ്‌തിരുന്നു.
ബാലസോർ: ഒഡീഷയിൽ അധ്യാപകന്റെ ലൈംഗിക പീഡനം സഹിക്കവയ്യാതെ തീകൊളുത്തി ആത്‍മഹത്യയ്‌ക്ക്‌ ശ്രമിച്ച വിദ്യാർഥിനി മരിച്ചു. 90% പൊള്ളലേറ്റ് മൂന്ന് ദിവസമായി ഭുവനേശ്വർ എയിംസ് ആശുപത്രിയിൽ ചികിൽസയിൽ ആയിരുന്നു. രക്ഷിക്കാൻ ശ്രമിച്ച സഹപാഠിയായ ആൺകുട്ടിക്കും പൊള്ളലേറ്റിരുന്നു.
സംഭവവുമായി ബന്ധപ്പെട്ട് ബാലസോറിലെ ഫക്കിർ മോഹൻ ഓട്ടോണമസ് കോളേജിലെ അസി. പ്രഫസറും വകുപ്പ് അധ്യക്ഷനുമായ സമീര കുമാർ സാഹുവിനെ അറസ്‌റ്റ് ചെയ്‌തിരുന്നു. സാഹുവിനെയും കോളേജ് പ്രിൻസിപ്പൽ ദിലീപ് കുമാർ ഘോഷിനെയും അന്വേഷണ വിധയമായി സസ്‌പെൻഡ് ചെയ്യുകയും ചെയ്‌തിരുന്നു.
കോളേജിലെ ഇന്റഗ്രേറ്റഡ് ബിഎഡ് രണ്ടാംവർഷ വിദ്യാർഥിനിയായ പെൺകുട്ടി ജൂൺ 30ന് സമീര കുമാർ സാഹുവിനെതിരെ ലൈംഗിക പീഡനത്തിന് നടപടി ആവശ്യപ്പെട്ട് പരാതി നൽകുകയും ഒരാഴ്‌ച മുൻപ് കോളേജ് ക്യാമ്പസിൽ പ്രതിഷേധം സംഘടിപ്പിക്കുകയും ചെയ്‌തിരുന്നു.
പരാതി നൽകിയിട്ടും കോളേജ് അധികൃതരോ പൊലീസോ നടപടി എടുക്കാത്തതിന് വിദ്യാർഥിനി മാനസിക സമ്മർദ്ദത്തിൽ ആയിരുന്നുവെന്ന് സഹപാഠികൾ പറയുന്നു. പ്രിൻസിപ്പലിനെ കണ്ട് മടങ്ങിയ ശേഷമായിരുന്നു ആത്‍മഹത്യാ ശ്രമം. സംഭവം അന്വേഷിക്കാൻ ഉന്നതതല സമിതിയെ ചുമതലപ്പെടുത്തിയിട്ടുണ്ട്. ചികിൽസയിലിരിക്കെ വിദ്യാർഥിനിയെ രാഷ്‍ട്രപതി കഴിഞ്ഞദിവസം സന്ദർശിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
