വയനാട്: അധ്യാപകർക്ക് കോവിഡ് സ്ഥിരീകരിച്ചതിനെ തുടർന്ന് ജില്ലയിലെ തരുവണ ഗവ. യുപി സ്കൂൾ താൽക്കാലികമായി അടച്ചു. മൂന്ന് അധ്യാപകർക്കാണ് കോവിഡ് സ്ഥിരീകരിച്ചത്. ഇവർ ക്വാറന്റെയ്നിൽ പ്രവേശിച്ചിരിക്കുകയാണ്.
ഇന്ന് വിദ്യാർഥികളും അധ്യാപകരും അനധ്യാപകരും അടക്കം രോഗലക്ഷണങ്ങളുള്ള 30ഓളം പേർക്ക് ടെസ്റ്റ് നടത്തിയിട്ടുണ്ട്. കഴിഞ്ഞ തിങ്കളാഴ്ചയാണ് കോവിഡ് ലക്ഷണങ്ങളെ തുടർന്ന് അധ്യാപകർക്ക് പരിശോധന നടത്തിയത്. ബുധനാഴ്ച ലഭിച്ച റിസൾട്ടിൽ പോസിറ്റീവാണെന്ന് സ്ഥിരീകരിച്ചു.
തുടർന്ന് ഇന്നലെ മുതൽ സ്കൂൾ അടച്ചിരിക്കുകയാണ്. തിങ്കളാഴ്ച വരെയാണ് താൽക്കാലികമായി അടച്ചത്. ഇന്ന് പരിശോധിച്ച സാമ്പിളുകൾ നെഗറ്റീവ് ആയാൽ തിങ്കളാഴ്ച മുതൽ സ്കൂൾ തുറന്ന് പ്രവർത്തിക്കും.
Most Read: പലസ്തീൻ അനുകൂല നിലപാട്; ഐറിഷ് എഴുത്തുകാരിയുടെ രചനകൾക്ക് ഇസ്രയേലിൽ വിലക്ക്
