കണ്ണൂർ: നിർത്തിയിട്ട ലോറിയിൽ മറ്റൊരു ലോറി ഇടിച്ച് ഡ്രൈവർ മരിച്ചു. താഴെചൊവ്വ ബൈപ്പാസ് പെട്രോൾ പമ്പിന് സമീപം ഇന്ന് പുലർച്ചെ അഞ്ച് മണിയോടെയാണ് അപകടം. പെട്രോൾ പമ്പിന് സമീപം നിർത്തിയിട്ട മാലിന്യ ലോറിയിൽ ചെങ്കൽ നിറച്ചു വന്ന മറ്റൊരു ലോറി ഇടിക്കുകയായിരുന്നു.
നിർത്തിയിട്ടിരുന്ന ലോറിയിലെ ഡ്രൈവർ ഇടുക്കി കമ്പംമേട് സ്വദേശി ഷാജിയാണ് (56) മരിച്ചത്. ഇതേ ലോറിയിൽ ഉണ്ടായിരുന്ന ഏറ്റുമാനൂർ സ്വദേശികളായ സനീഷ് (26), സതീഷ് (32) എന്നിവരെ പരിക്കുകളോടെ ജില്ലാ ആശുപത്രിയിൽ പ്രവേശിപ്പിച്ചു. ചെങ്കൽ ലോറിയിൽ ഉണ്ടായിരുന്ന സവാദ് (29) നെ ചാലയിലെ മിംസ് ആശുപത്രിയിലും പ്രവേശിപ്പിച്ചു.
തളിപ്പറമ്പിൽ നിന്നും വടകരയിലേക്ക് ചെങ്കൽ കയറ്റിവന്ന ലോറി താഴെചൊവ്വ ബൈപ്പാസിൽ നിർത്തിയിട്ടിരുന്ന ലോറിയിൽ ഇടിച്ചാണ് അപകടം ഉണ്ടായത്.
Most Read: താഹ ഫസലിനെ മോചിപ്പിക്കണം; എൻഐഎ കോടതി ഉത്തരവ്
