ബംഗളൂരു: നാര്ക്കോട്ടിക്സ് കണ്ട്രോള് ബ്യൂറോ (എന്സിബി)യുടെ കസ്റ്റഡിയിലുള്ള ബിനീഷ് കോടിയേരി കര്ണാടക ഹൈക്കോടതിയില് മുന്കൂര് ജാമ്യം തേടി. കോടതി ഇന്ന് ഹരജി പരിഗണിക്കും. മയക്കുമരുന്ന് കടത്തിലെ കള്ളപ്പണ ഇടപാടുമായി ബന്ധപ്പെട്ട് ഇഡി അറസ്റ്റ് നിയമ വിരുദ്ധമാണെന്ന് ചൂണ്ടിക്കാട്ടി നേരത്തേ ബിനീഷ് ഹൈക്കോടതിയില് ഹരജി നല്കിയിരുന്നു.
അതേസമയം, ഇഡി കേസില് ബിനീഷിന്റെ ജാമ്യാപേക്ഷ ബംഗളൂരു സിറ്റി സിവില് ആന്ഡ് സെഷന്സ് കോടതി വിശദ വാദം കേള്ക്കുന്നത് 24 ലേക്ക് മാറ്റി. തെളിവുകള് സമര്പ്പിക്കാന് ഇഡിക്ക് കൂടുതല് സമയം വേണമെന്ന ആവശ്യം കോടതി അംഗീകരിച്ചു.
ബിനീഷിന്റെ അറസ്റ്റ് സാമ്പത്തിക ഇടപാടുകള് മാത്രം ചൂണ്ടിക്കാട്ടിയാണെന്നും ഇത് നിയമ വിരുദ്ധമാണെന്നും അദ്ദേഹത്തിന്റെ അഭിഭാഷകന് കോടതിയുടെ ശ്രദ്ധയില്പെടുത്തി. നവംബര് 25 നാണ് ബിനീഷിന്റെ ജുഡീഷ്യല് കസ്റ്റഡി കാലാവധി അവസാനിക്കുക
Read also: തദ്ദേശ തിരഞ്ഞെടുപ്പ്; നാമനിര്ദേശ പത്രിക സമര്പ്പണം ഇന്ന് കൂടി
