ന്യൂഡെല്ഹി: അനില് അംബാനിയുടെ മൂന്ന് ബാങ്ക് അക്കൗണ്ടുകള് വ്യാജമെന്ന് എസ്ബിഐ ഡെല്ഹി ഹൈക്കോടതിയിയെ അറിയിച്ചു. അനില് അംബാനിയുടെ റിലയന്സ് കമ്യൂണിക്കേഷന്, റിലയന്സ് ടെലികോം, റിലയന്സ് ഇന്ഫ്രാടെല് എന്നീ ബാങ്ക് അക്കൗണ്ടുകളാണ് വ്യാജമാണെന്ന് കോടതിയെ അറിയിച്ചിരിക്കുന്നത്. ബാങ്കിന്റെ ഓഡിറ്റ് ഡിവിഷനാണ് അക്കൗണ്ടുകള് വ്യാജമാണെന്ന് കാണിച്ച് രംഗത്തെത്തിയത്.
ആര്ബിഐ ചട്ടപ്രകാരം ഒരു നിശ്ചിത സമയപരിധിയില് പണമിടപാട് മുടങ്ങിയ അക്കൗണ്ടുകള് നോണ് പെര്ഫോമിംഗ് അസറ്റായി കണക്കാക്കും. തുടര്ന്ന് ഈ അക്കൗണ്ടുകളെ ഓഡിറ്റ് ചെയ്യും. ഇത്തരത്തില് ഓഡിറ്റ് നടത്തിയ അക്കൗണ്ടില് തിരിമറി കണ്ടെത്തിയാല് ആ അക്കൗണ്ടിനെ വ്യാജമെന്ന് പറയും.
മൂന്ന് അക്കൗണ്ടുകളിലുമായി 49000 കോടി രൂപയുണ്ടെന്നാണ് റിപ്പോര്ട്ട്. അനില് അംബാനിയുടെ നേതൃത്വത്തിലുള്ള റിലയന്സ് ഗ്രൂപ്പ് കമ്പനികളുടെ ഇടപാടുകളെ കുറിച്ച് വിശദമായ അന്വേഷണം വേണമെന്ന നിലപാടിലാണ് എസ്ബിഐ. റിലയന്സ് കമ്യൂണിക്കേഷന്സ്, റിലയന്സ് ഇന്ഫ്രാടെല്, റിലയന്സ് ടെലികോം എന്നിവയുടെ കാര്യത്തിലാണ് എസ്ബിഐ അന്വേഷണം ആവശ്യപ്പെടുന്നത്.
Read also: യാതൊരു പുരോഗതിയും ഇല്ല, കാർഷിക നിയമത്തിന് എതിരായ ഹരജികൾ 11ന് പരിഗണിക്കും; സുപ്രീം കോടതി
