തിരുവനന്തപുരം: കോവിഡ് കാരണം ക്ഷേത്രങ്ങളില് ഭക്തര്ക്ക് നിയന്ത്രണം ഏര്പ്പെടുത്തിയ സാഹചര്യത്തില് 374 ക്ഷേത്രങ്ങളിലേക്ക് കൂടി ഓണ്ലൈന് വഴിപാട് സംവിധാനം വ്യാപിപ്പിക്കുമെന്ന് തിരുവിതാംകൂർ ദേവസ്വം ബോർഡ്. ഇതിനൊപ്പം മൊബൈല് ആപ്പ് വികസിപ്പിക്കുമെന്നും ബോർഡ് അറിയിച്ചു. വഴിപാടുകൾക്കും, പൂജകൾക്കുമാണ് മൊബൈൽ ആപ്പ് വികസിപ്പിക്കാൻ ഒരുങ്ങുന്നത്.
ബോര്ഡിന്റെ കീഴിലുള്ള 400 കിലോ സ്വര്ണം ദേശസാല്കൃത ബാങ്കില് നിക്ഷേപമാക്കും. വരുമാന വര്ധനവിനുള്ള കൂടുതല് കാര്യങ്ങള് പരിഗണനയിലാണെന്നും ബോര്ഡ് പ്രസിഡണ്ട് എൻ വാസു പറഞ്ഞു. തിരുവിതാംകൂര് ദേവസ്വം ബോര്ഡില് വരുമാന ചോര്ച്ചയുണ്ടെന്നും അദ്ദേഹം പറഞ്ഞു. ക്ഷേത്രങ്ങളില് നടത്തിയ പരിശോധനയിലാണ് ഇക്കാര്യം വ്യക്തമായത്. ക്ഷേത്രങ്ങളില് ലഭിക്കുന്ന വരുമാനം ബോര്ഡിലേക്ക് എത്തുന്നില്ലെന്ന് പരിശോധനയില് കണ്ടെത്തിയിട്ടുണ്ട്.
Read Also: കോവിഡ് കൂട്ടപരിശോധന; പരമാവധി പേർ പങ്കെടുക്കണമെന്ന് ആരോഗ്യമന്ത്രി
