അബുദാബി: സ്വകാര്യ മേഖലയിൽ സ്വദേശികളുടെ ജോലി കാര്യക്ഷമമാക്കുന്നതിന് ഏകീകൃത ഡിജിറ്റൽ പ്ളാറ്റ്ഫോം ആരംഭിക്കുന്നു. ഇമറാത്തി വർക്ക് പ്ളാറ്റ്ഫോമിൽ തൊഴിലുമായി ബന്ധപ്പെട്ട എല്ലാ സേവനങ്ങളും ഏകജാലക സംവിധാനത്തിൽ ലഭ്യമാകും.
ഫെഡറൽ, പ്രാദേശിക, സ്വകാര്യ സ്ഥാപനങ്ങളെ ഏകീകൃത ഡിജിറ്റൽ പ്ളാറ്റ്ഫോമിൽ സമന്വയിപ്പിക്കുന്നതോടെ നടപടിക്രമങ്ങൾ ലഘൂകരിച്ചു നിയമന പ്രക്രിയകൾ വേഗത്തിലാക്കാനും സ്വകാര്യ മേഖലയിൽ ജോലി ചെയ്യാൻ പൗരൻമാരെ ശാക്തീകരിക്കാനും പ്ളാറ്റ്ഫോം ഉപയോഗപ്പെടുത്തും. ഒരേ ആവശ്യത്തിന് ഒന്നിലധികം സർക്കാർ ഓഫീസുകളെ സമീപിക്കുന്നതിന് പകരം ഏകീകൃത ഡിജിറ്റൽ പ്ളാറ്റ്ഫോം പ്രവർത്തിക്കും.
Most Read| ഇവൻ ‘ചില്ലറ’ക്കാരനല്ല, കോടികളുടെ മുതൽ; ലോകത്തെ ഏറ്റവും വിലപിടിപ്പുള്ള തക്കാളി
