കൊച്ചി: ഉൽഘാടനത്തിന് മുൻപ് വൈറ്റില മേൽപ്പാലം തുറന്ന സംഭവത്തിൽ ഒരാൾ കസ്റ്റഡിയിൽ. വി ഫോർ കൊച്ചി നേതാവ് നിപുൺ ചെറിയാനെയാണ് പോലീസ് ഇന്നലെ കസ്റ്റഡിയിലെടുത്തത്.
ശനിയാഴ്ച ഉൽഘാടനം നടക്കാനിരിക്കെയാണ് സംഭവം നടന്നത്. ഇന്നലെ രാത്രി ഒരു സംഘം ആളുകളെത്തി ഒരു വശത്തെ ബാരിക്കേഡുകൾ തള്ളിമാറ്റി പാലത്തിലൂടെ വാഹനങ്ങൾ കടത്തിവിടുകയായിരുന്നു. ഒരു വശത്തെ ബാരിക്കേഡ് എടുത്തുമാറ്റിയതിനെ തുടർന്ന് ലോറി അടക്കമുള്ള വാഹനങ്ങൾ പാലത്തിൽ കയറി വലിയ ഗതാഗത കുരുക്കാണ് ഉണ്ടായത്. പിന്നീട് കയറിപ്പോയ വാഹനങ്ങൾ പുറകോട്ടിറക്കി പോലീസ് പാലം വീണ്ടുമടച്ചു. മേൽപാലം തുറന്ന് കൊടുക്കാൻ വൈകുന്നെന്ന് ആരോപിച്ച് നേരത്തെ വി ഫോർ കൊച്ചി സമരം നടത്തിയിരുന്നു.
Also Read: കോവിഡ്; സംസ്ഥാനത്ത് രോഗബാധയും, മറ്റ് രോഗമുള്ളവരില് മരണനിരക്കും കൂടിയതായി റിപ്പോര്ട്ട്
