യുഎസിൽ വിമാനദുരന്തം; പൊട്ടോമാക് നദിയിൽ നിന്ന് 18 മൃതദേഹങ്ങൾ കണ്ടെടുത്തു
60 യാത്രക്കാരും നാല് ജോലിക്കാരുമുള്ള വിമാനം മൂന്ന് പേരുള്ള സൈനിക ഹെലികോപ്‌ടറുമായാണ് കൂട്ടിയിടിച്ചത്. വാഷിങ്‌ടണിലെ റീഗൽ വിമാനത്താവളത്തിന് സമീപമായിരുന്നു അപകടം. വിമാനവും ഹെലികോപ്‌ടറും സമീപത്തെ പൊട്ടോമാക് നദിയിലേക്കാണ് വീണത്.
വാഷിങ്ടൻ: യുഎസിൽ വിമാനദുരന്തത്തിൽ ഒട്ടേറെപ്പേർ മരിച്ചതായി റിപ്പോർട്. ലാൻഡിങ്ങിനിടെ യാത്രാ വിമാനം സൈനിക ഹെലികോപ്‌ടറുമായി കൂട്ടിയിടിച്ച് പൊട്ടോമാക് നദിയിൽ വീഴുകയായിരുന്നു. ഇതുവരെ 18 പേരുടെ മൃതദേഹം കണ്ടെടുത്തു.
രക്ഷാപ്രവർത്തനം പുരോഗമിക്കുന്ന പൊട്ടോമാക് നദിയിൽ നിന്ന് 18 മൃതദേഹങ്ങൾ കരയിൽ എത്തിച്ചെന്ന് വാർത്താ ഏജൻസികൾ റിപ്പോർട് ചെയ്‌തു. 60 യാത്രക്കാരും നാല് ജോലിക്കാരുമുള്ള വിമാനം മൂന്ന് പേരുള്ള സൈനിക ഹെലികോപ്‌ടറുമായാണ് കൂട്ടിയിടിച്ചത്. വാഷിങ്‌ടണിലെ റീഗൽ വിമാനത്താവളത്തിന് സമീപമായിരുന്നു അപകടം.
അപകടത്തെ തുടർന്ന് വിമാനത്താവളത്തിലെ എല്ലാ ടേക്ക്‌ഓഫും ലാൻഡിങ്ങും നിർത്തി. അമേരിക്കൻ എയർലൈൻസിന്റെ യാത്രാ വിമാനമാണ് അപകടത്തിൽപ്പെട്ടത്. പ്രാദേശിക സമയം രാത്രി ഒമ്പത് മണിയോടെയാണ് ആകാശത്ത് കൂട്ടയിടി ഉണ്ടായതെന്ന് ഫെഡറൽ ഏവിയേഷൻ അഡ്‌മിനിസ്‌ട്രേഷൻ പറഞ്ഞു.
വിമാനവും ഹെലികോപ്‌ടറും സമീപത്തെ പൊട്ടോമാക് നദിയിലേക്കാണ് വീണത്. വൈറ്റ് ഹൗസിൽ നിന്ന് അഞ്ചുകിലോമീറ്റർ ദൂരത്തായിരുന്നു അപകടം നടന്നത്. അതിദാരുണമായ അപകടത്തെപ്പറ്റി അറിഞ്ഞെന്നും പ്രാർഥിക്കുന്നതായും യുഎസ് പ്രസിഡണ്ട് ഡൊണാൾഡ് ട്രംപ് പ്രതികരിച്ചു. കൻസാസിനിന്ന് പുറപ്പെട്ട അമേരിക്കൻ എയർലൈൻസിന്റെ 5342 എന്ന വിമാനം റൺവേയിലേക്ക് അടുക്കുന്നതിനിടെയാണ് സൈന്യത്തിന്റെ ബ്‌ളാക്ക് ഹാക് ഹെലികോപ്‌ടറിൽ ഇടിച്ചത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
