മോസ്‌കോ: “ഞങ്ങൾക്ക് നാറ്റോക്കെതിരെ പദ്ധതികളുണ്ട്,”- ബോസ്‌നിയയിലെയും ഹെർസഗോവിനയിലെയും റഷ്യൻ അംബാസഡർ ഇഗോർ കലബുഖോവ് ബോസ്‌നിയയുടെ ഫേസ് ടിവിക്ക് നൽകിയ അഭിമുഖത്തിൽ പറഞ്ഞു. തങ്ങൾ സാഹചര്യം വിലയിരുത്തുകയാണ് എന്നും ഭീഷണികളോട് പ്രതികരിക്കുമെന്നും അദ്ദേഹം കൂട്ടിച്ചേർത്തു.
അതിനിടെ റഷ്യൻ സേനയെ നേരിടുന്നതിനായി റഷ്യൻ നിർമ്മിത എസ്-400 മിസൈൽ പ്രതിരോധ സംവിധാനങ്ങൾ യുക്രൈനിലേക്ക് അയക്കാനുള്ള സാധ്യത അമേരിക്ക അനൗപചാരികമായി തുർക്കിയോട് ഉന്നയിച്ചതായി റിപ്പോർട് ഉണ്ട്. ഒരു മാസത്തോളമായി ഈ അഭ്യർഥന നടത്തിയിട്ട് എങ്കിലും പ്രത്യേകമോ ഔപചാരികമോ ആയ നീക്കങ്ങളൊന്നും പിന്നീട് ഉണ്ടായിട്ടില്ലെന്ന് സർക്കാർ വൃത്തങ്ങൾ റോയിട്ടേഴ്‌സിനോട് പറഞ്ഞു.
അതേസമയം, യുക്രൈൻ വിഷയത്തിൽ റഷ്യൻ പ്രസിഡണ്ട് വ്‌ളാഡിമിർ പുടിനും ലക്‌സംബർഗ് പ്രധാനമന്ത്രി സേവ്യർ ബെറ്റലും ടെലിഫോൺ സംഭാഷണം നടത്തി. “റഷ്യയുടെ പ്രത്യേക സൈനിക നടപടി കണക്കിലെടുത്ത് യുക്രൈനിലെയും ഡോൺബാസിലെയും സ്‌ഥിതിഗതികൾ നേതാക്കൾ ചർച്ച ചെയ്‌തു. ഡൊനെറ്റ്‌സ്‌കിലും മറ്റ് നഗരങ്ങളിലും യുക്രേനിയൻ സൈന്യം നടത്തുന്ന മിസൈൽ ആക്രമണങ്ങൾ സിവിലിയൻമാർക്ക് പരിക്കേൽപ്പിക്കുന്നതായി പുടിൻ ഊന്നിപ്പറഞ്ഞു,”- റഷ്യയുടെ വിദേശകാര്യ മന്ത്രാലയം വ്യക്‌തമാക്കി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
