തിരുവനന്തപുരം: സംസ്‌ഥാനത്തെ ചില നദികളിൽ ജലസേചന വകുപ്പ് ഓറഞ്ച്, മഞ്ഞ അലർട്ടുകൾ പ്രഖ്യാപിച്ചു. അപകടകരമായ രീതിയിൽ ജലനിരപ്പ് നിലനിൽക്കുന്നതിനാലാണ് അലർട്ടുകൾ പ്രഖ്യാപിച്ചത്. പത്തനംതിട്ട ജില്ലയിലെ മണിമലയിൽ ഓറഞ്ച് അലർട്ടാണ്.
ആലപ്പുഴ അച്ചൻകോവിൽ, പത്തനംതിട്ട അച്ചൻകോവിൽ, തൃശൂർ കരുവന്നൂർ പുഴ എന്നിവിടങ്ങളിലാണ് യെല്ലോ അലർട്. ഈ നദികളുടെ തീരത്തുള്ളവർ ജാഗ്രത പാലിക്കണമെന്ന് അധികൃതർ നിർദ്ദേശം നൽകി. യാതൊരു കാരണവശാലും നദികളിൽ ഇറങ്ങാനോ മുറിച്ച് കടക്കാനോ പാടില്ലെന്നും അധികൃതർ നിർദ്ദേശിച്ചു.
അതേസമയം, സംസ്‌ഥാനത്ത്‌ വരുന്ന അഞ്ചുദിവസം കൂടി മഴ ശക്‌തമാകുമെന്നാണ് കാലാവസ്‌ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ ഇന്നും കണ്ണൂർ, കാസർഗോഡ് ജില്ലകളിൽ നാളെയും യെല്ലോ അലർട് പ്രഖ്യാപിച്ചിട്ടുണ്ട്.
Most Read| ആയമ്പാറയിൽ ഓരില ചെന്താമര വിരിഞ്ഞത് നാട്ടുകാർക്ക് കൗതുകമായി
